Шанба куни "шаҳарликлар" АПЛнинг 17-турида "Вест Хэм"ни 3:0 ҳисобида мағлуб этди ва шундан сўнг бир неча кунлик таътилга чиқди.
"3 кунлик таътилдан қайтгач, уларнинг ҳолатини текшираман. Улар овқатланиши мумкин, лекин назоратда бўлишларини унутмасликлари лозим. Тасаввур қилинг: ҳозир идеал ҳолатдаги футболчи қайтиб келганда 3 килога оғирлашиб қолса. У Манчестерда қолади, "Ноттингем Форест" билан ўйинга бормайди", – деди Гвардиола.
Айни пайтда "Манчестер Сити" 17 ўйиндан сўнг 37 очко билан АПЛда иккинчи ўринни эгаллаб турибди. "Ноттингем Форест"га қарши баҳс 27 декабрь куни бўлиб ўтади.
