26 mart kuni jahon chempionati saralashi 2-bosqichi 4-turidan o'rin olgan O'zbekiston - Gonkong uchrashuvi bo'lib o'tadi.
Mazkur bahsda jamoasini qo'llab-quvvatlash maqsadida bir qancha gonkongliklar tashrif buyurishi rejalashtirilmoqda.
Mamlakat terma jamoasi muxlislari sahifasida e'lon qilinishicha, Malayziyaning Kuala-Lumpur shahri orqali 30 nafar futbol ishqibozi Toshkentga kelishini tasdiqalagan. Mazkur raqamlar yana ko'payishi mumkin.
Eslatib o'tamiz, O'zbekiston va Gonkong o'rtasidagi javob uchrashuvi 26 mart kuni soat 19:30 da start oladi.
Dastlabki to'qnashuv 2:0 hisobida Markaziy Osiyo mamlakati jamoasi foydasiga hal bo'lgandi.
Avvalroq mamlakat terma jamoasining Toshkentga braziliyalik futbolchilarsiz tashrif buyurishi haqida xabar berilgandi.
