Годвин Чика Оквара: “Олимпик” билан ўйинда ўз даражамизда ўйнай олмадик”

Шу тариқа, муборакликлар келгуси йилдан фаолиятини Про-Лигада давом эттиради. Якунланганн мавсум борасида жамоанинг яна бир легионер футболчиси Годвин Чика Оквара билан суҳбатлашдик. 

- “Олимпик”дан учралган мағлубият борасида фикрингиз?

- Тўғриси, биз шу куни ўз даражамизда олмадик. “Олимпик” Про-лига иштирокчиси бўлишига қарамай, яхши ўйнади ва ҳақли равишда ғалабани қўлга киритди. Биз Суперлигада қолишни мақсад қилгандик. 

- Эшитишимизча, жамоа ҳалигача маош бермаяпти экан?

- Афсуски ҳа. Маош ва мукофат пулларимизни олганимизча йўқ.

- Айтингчи, “Машъал” фаолиятингиздаги энг катта жамоа ҳисобланадими?

- Ўзбекистонга келгунимга қадар фаолиятим давомида Сейшель ороллари, Нигерия, Эфиопия ва Того каби мамлакатларда тўп тепганман. “Машъал” эса улар орасида мавқеи жиҳатидан катта жамоа дейишим мумкин. Бироқ Эфиопияда ҳам яхши жамоада ўйнаганаман ва у ердаги фаолиятимдан қониқиш ҳосил қилганман. Ўзбекистонда эса футбол анча яхши ривожланган. Менга у ерда тўп тепиш жуда ёқди. 

- Кейинги режаларингиз қандай?

- Айни вақтда агентим янги жамоа топиш бўйича бир нечта клублар билан музокаралар ўтказмоқда. Тез орада янги жамоа номи маълум бўлади. Агар Ўзбекистондан таклиф бўлса, кўриб чиққан ҳолда шу ерда қолган бўлардим.