Гаттузо Миликнинг "Наполи"дан кетмоқчи эканлигини айтди
09 июл 17:37
Янгиликлар

Гаттузо Миликнинг "Наполи"дан кетмоқчи эканлигини айтди

"Наполи" ҳужумчиси Аркадиуш Милик ёзги трансферлар ойнасида клубдан кетмоқчи.

Буни неаполликлар бош мураббийи Женнаро Гаттузо ҳам тасдиқлади.

"Миликдан яхшисини топиш қийин. Аммо, ўйинчи клубдаги даври тугаганини ва вазиятни ўзгартирмоқчи эканлигини айтса, уни тинглашимиз керак. Биз кимнидир ушлаб тура олмаймиз ва ўйинчининг истакларини ҳурмат қилишимиз керак", - дейди Гаттузо.

26 ёшли Милик жорий мавсум жамоа сафида 29та ўйинда майдонга тушиб, 13та гол уришга эришди.

Унинг "Наполи" билан тузган шартномаси 2021 йилнинг 30 июнига қадар мўлжалланган. Transfermarkt футболчини 32 миллион еврога баҳолаган.

Ҳавола :

Манба : Sky Sport Italia

Янгиликларни Телеграмда ўқинг!

Рейтинг: +3