"Габигол" – Бразилия чемпионатида 100 та гол урган энг ёш ўйинчи
05 сен 2022 14:37
Янгиликлар

"Габигол" – Бразилия чемпионатида 100 та гол урган энг ёш ўйинчи

"Фламенго" ҳужумчиси Габриэл Барбоза "Сеара"га қарши учрашувда (1:1) ҳисобни тенглаштирди.

Ҳужумчи 26 ёш-у 5 кунлигида Бразилия чемпионатида 100 та гол урган энг ёш футболчига айланди.

"Габигол" "Васко да Гама"нинг барча даврлардаги энг яхши тўпурари Роберто Динамитни ортда қолдирди. Динамит 1980 йилнинг май ойида, 26 ёш-у 24 кунлигида ушбу маррага етишган.

Умуман олганда, "Габигол" лигада "Фламенго" учун 58 та гол урган бўлса, яна 42 тасини "Сантос"да ўйнаганида урган. Футболчи "Интер" ва "Бенфика"даги ўйинлари билан ҳам танилган.

Ҳавола :

Манба : Globo

Янгиликларни Телеграмда ўқинг!

Рейтинг: +3