Футбол мутахассисларини тайёрлаш маркази очилиш маросимига ОAВ вакилларини таклиф этамиз
02 июл 2020 11:58
Янгиликлар

Футбол мутахассисларини тайёрлаш маркази очилиш маросимига ОAВ вакилларини таклиф этамиз

Теглар : Футбол мутахассисларини тайёрлаш маркази

Футболнинг бугунги ривожланиш тенденцияси мамлакатимизда яратилган футбол инфратузилмасини малакали спорт менежерларини тайёрлаш тизимига мослаштиришни талаб қилмоқда.

Буни инобатга олган ҳолда, халқаро талаб ва стандартлар асосида футбол бўйича рақобатдош мутахассисларни тайёрлашга хизмат қиладиган футбол мутахассисларини тайёрлаш маркази (ФМТМ) ташкил этилди.

Футбол соҳасида малакали мутахассисларни тайёрлаш, қайта тайёрлаш, малакасини ошириш, танлаб олиш ва ривожлантиришга илғор илмий-методик ва инновацион технологияларни жорий этиш орқали марказда 7 йўналиш бўйича мутахассислар тайёрлаб борилади.

Булар – мураббийлар, селекционерлар, футбол таҳлилчилари, ҳакамлар, футбол менежерлари, психологлар ва маркетологлар каби йўналишлардир.

Жорий йилнинг 3 июль соат 11.00 да “Бунёдкор” стадионида жойлашган ушбу марказнинг очилиш маросими бўлиб ўтади.

Очилиш маросимига барча турдаги ОAВ вакилларини таклиф этамиз.

Ҳавола :

Манба : ufa.uz

Янгиликларни Телеграмда ўқинг!

Рейтинг: +3