Xalqaro futbol federatsiyasi (FIFA) 2018 yilda Rossiyada bo'lib o'tadigan Futbol bo'yicha Jahon chempionatida videotakrorlar tizimidan foydalanadi. Yakuniy qaror 16-mart, juma kuni tashkilotning Bogota (Kolumbiya) shahrida bo'lib o'tgan majlisida qabul qilindi.
Hozirda mazkur tizim Italiya, Germaniya, Portugaliya va yana bir nechta davlatlarning ichki chempionatlarida qo'llanilib kelinmoqda.
Rossiyadagi Jahon chempionati esa hakamlar videotakrorlardan foydalanishi mumkin bo'lgan ilk musobaqa sifatida tarixga kiradigan bo'ldi.
