- O'yin haqida fikringiz?
- O'yin tomonlama olib qaraydigan bo'lsak, o'tgan tur "Paxtakor" bilan bahsda ko'p kuch yo'qotganimiz bilindi. Bugun birinchi taymni juda sekin o'tkazdik. Jamoamizning o'ziga kelib olishi qiyin bo'ldi. Aytib o'tganimdek, "Paxtakor"ga qarshi ko'p kuch yo'qotdik.
Bugun birinchi golni juda oson o'tkazib yubordik. Ikkinchi golda ham xatoga yo'l qo'ydik. "Dinamo" pressingda bizni yaxshi ushladi. Nimayam derdim, ishlashda davom etamiz. Negadir bir tekis o'yin ko'rsata olmayapmiz. Balki bunga har to'rtinchi-beshinchi kunda maydonga tushayotganimiz ham sabab bo'layotgandir. Futbolchilarimiz har o'yinda bir xil bo'la olishmayapti.
