Фердинанд мавсум сўнгида “Манчестер Юнайтед”ни тарк этади

35 ёшли футболчининг “МЮ” билан тузган шартномаси 2014 йилнинг июнида тугайди. Клуб раҳбарияти эса унга янги шартнома таклиф этмоқчи эмас.

Дэвид Мойес ҳимоя марказида Крис Смоллинг, Жонни Эванс ва Фил Жонсдан кўпроқ фойдаланишни афзал кўрмоқда. Шу сабабли Фердинанд ушбу мавсумда АПЛнинг фақатгина еттита ўйинида майдонга тушган холос.

Таъкидлаб ўтамиз, Фердинанд фаолиятини тугатиш бўйича ҳали аниқ бир қарорга келмаган.