Феликс: "Симеоне билан муносабатларим жуда яхши, мен "Атлетико"да бахтлиман"
17 мар 2021 09:58
Янгиликлар

Феликс: "Симеоне билан муносабатларим жуда яхши, мен "Атлетико"да бахтлиман"

"Атлетико" форварди Жоау Феликс жамоа бош мураббийи Диего Симеоне билан келишмовчилиги борасидаги миш-мишларга жавоб берди.

Истеъдодли футболчи "Вильярреал"га урган голини жаҳл билан нишонлади, аммо кейинроқ у голни Ренан Лоди сабаб шундай нишонлаганини айтди.

"Лоди ўйин олдидан ҳеч кимга гол ура олмаслигимни айтиб масҳара қилди (яхши маънода), голдан сўнг эса мен унга жавоб бердим. Матбуот билмаган нарсаларини ғийбат қилишни яхши кўради.

Менинг Чоло билан муносабатларим жуда яхши. У менга доим ёрдам беради ва айнан шу сабаб шу ердамиз. Мен "Атлетико"да бахтлиман. Баъзида ўзингизга қора чизиқ топасиз, балки мен шундай жойга келиб қолгандирман. Аммо, мен булардан чиқиб кета олишимга ишонаман", - дейди Феликс.

Ҳавола :

Манба : twitter.com/atletienglish

Янгиликларни Телеграмда ўқинг!

Рейтинг: +3