Тақдирлаш маросимидан сўнг фарғоналикларнинг ҳимоячиси Фарруҳ Сайфиев фикрлари билан бўлишди.
"Фарғона аҳлини чемпионлик билан табриклаймиз, бу узоқ кутилган чемпионлик бўлди. Охирги чемпионликка 24 йил бўлган экан. Бундай хурсандчилик билан барчани муборакбод этамиз. Мен учун бу олтинчи чемпионлик. Водийда, боз устига, бундай муҳитда чемпионликни қўлга киритиш бошқача барибир.
Кейинги йил "Насаф"да ўйнайман? Ҳали мавсум тугагани йўқ. Бундай гаплар йўқ", – деди Фарруҳ Сайфиев.
Эслатиб ўтамиз, бугун "Нефтчи" Фарғонада "Қизилқум" билан баҳс юритиб, 4:1 ҳисобида зафар қучди ва 24 йилда илк бор чемпион бўлди.
