09 июл 23:11
Янгиликлар

Фарҳод Тожиев “Локомотив” тўпурарлари рўйхатида 2-ўринга чиқиб олди

Ушбу мавсум бошида “темирйўлчилар” сафига қўшилган кичик Тожиев ҳозирга қадар 13та ўйинда рақиблари дарвозасига 17та гол уришга эришди.

Бу билан Фарҳод клуб тўпурарлари орасида иккинчи ўринга чиқиб олди. Ҳозирга қадар “темирйўлчилар” сафида энг кўп гол урган футболчи бу Марсель Идиатуллин ҳисобланади. Фаолиятини тугатган ҳужумчи “Локо” шарафини 6 мавсум давомида ҳимоя қилган ва 42та гол урган. Бунча гол уриш учун 128та ўйинда иштирок этган. Иккинчи ўринни шу вақтга қадар Олим Навкаров эгаллаб турган эди. Бу йил “Қизилқум”да ўйнаётган Навкаров ўз вақтида “Локомотив” таркибида 71 марта майдонга тушиб рақиблар дарвозасига 16та тўп киритган. Фарҳоднинг акаси Зайниддин Тожиев ҳисобида ҳам айни пайтда клуб сафида урилган 16та гол мавжуд.

“Локомотив”нинг тўпурарлари:
Марсель Идиатуллин – 42
Фарҳод Тожиев – 17
Олим Навкаров – 16
Зайниддин Тожиев – 16
Музаффар Умрзоқов – 13
Азиз Ҳайдаров – 11
Виктор Клишин – 10
Ойбек Усмонхўжаев – 10

Нарзулла Сайдуллаев тайёрлади

Ҳавола :

Манба : championat.asia

Энди янгиликлар телефонингизга келади. Телеграмдаги каналимизга улансангиз бўлгани.

Рейтинг: