Кўпчиликда энди битта савол бор: Кейинги босқичга қуръа қачон ташланади?
Жавоб: 11 декабрь куни Швейцариянинг Ньон шаҳрида Европа чемпионлар лигасининг 1/8 финал учун қуръа ташлаш маросими бўлиб ўтади. Тадбир Тошкент вақти билан соат 16:00да бошланади.
Гуруҳ ғолиблари иккинчи ўринни эгаллаган клубларга қарши ўйнашади. Битта гуруҳдан чиққан ва битта давлат шарафини ҳимоя қилаётган клублар бу босқичда ўзаро тўқнаш келишмайди.
1/8 финалнинг дастлабки учрашувлари 13-14 ва 20-21 февраль кунлари, жавоб баҳслари эса 6-7 ва 13-14 март кунлари бўлиб ўтади.
Эслатиб ўтамиз, бу мавсумда Чемпионлар лигаси финал учрашуви 26 май куни Киевдаги "Олимпийский" стадионида бўлиб ўтади.
