Эшитдик-да! Жасур Жалолиддинов янги мавсумни "Андижон"да бошлайди
04 мар 2021 10:25
Янгиликлар

Эшитдик-да! Жасур Жалолиддинов янги мавсумни "Андижон"да бошлайди

Ўзбекистонлик ярим ҳимоячи фаолиятини қайтадан бошлаш учун "Андижон"ни танлади.

Хабарингиз бор, 27 январь куни Москванинг "Локомотив" клуби Жалолиддинов билан шартномани бекор қилганди. Футболчи фаолиятини давом эттириш учун ёшликдаги мураббийи Отабек Ғуломхўжаев ишлаётган "Андижон"ни танлади ва буни бошқа вариантлардан устун қўйди. Ғуломхўжаев қўл остида футболчи ўйин амалиётига эга бўлиши аниқ, бу эса ярим йилдан ортиқ вақт давомида расмий ўйинда майдонга тушмаган Жасур учун айни пайтда энг муҳими.

Championat.asia сайти маълумотига кўра, Жасур Жалолиддинов ўз агенти Юрий Белоус билан ортиқ ишлашни хоҳламаяпти ва келишувни бекор қилиш устида ишламоқда. Бугунги кунда жараён давом этмоқда. Шу боис футболчи "Андижон"ни агентлар аралашувисиз танлади.

Ҳавола :

Манба : championat.asia

Янгиликларни Телеграмда ўқинг!

Рейтинг: +52