Эшитдик-да! "Динамо" Про лига тўпурарларидан бирига жиддий қизиқмоқда

Жамоалар аллақачон таркибни кучайтириш жараёнини бошлаб юборишган.

"Championat.asia" олган маълумотга кўра, Вадим Абрамов бошчилигидаги "Динамо" клуби Про лига тўпурарларидан бирига жиддий қизиқиш билдирмоқда. Гап "Дўстлик" жамоаси вингери Шерзод Қодиров ҳақида кетмоқда. Самарқандликлар жамоани тарк этган Ҳусниддин Ғофуров ҳамда Фарруҳ Икромовларнинг ўрнига ўринбосар изламоқда. Шунинг учун улар Қодировни олиб келишмоқчи. Футболчи "Динамо"дан тушган таклиф сабаб Про лига пешқадамларидан бири "Шўртан"дан тушган таклифга рад жавобини берган.

Эслатиб ўтамиз, "Дўстлик" жамоасига Алексей Естафеев бош мураббий бўлгач Про лиганинг охирги 6 ўйинида Шерзод Қодиров 6та гол уришга эришди. Айни пайтда у тўпурарлар пойгасида 7та тўп киритган "Машъал" ҳужумчиси Ҳумоюн Муртазоевдан кейин иккинчи ўринда бормоқда.