

Championat.asia sayti ma'lumotiga ko'ra, Superliganing 1-turidagi "Surxon"ga qarshi o'yindagi mag'lubiyatdan keyin bosh murabbiy Andrey Shipilov jamoani tark etgan. Ayni paytda futbolchilar yordamchi murabbiylar qo'l ostida shug'ullanishmoqda.
"Metallurg" Superliganing 2-turini 16 mart kuni o'z maydonida Toshkentning "Bunyodkor" klubiga qarshi o'tkazadi.
Ma'lumot uchun, Andrey Shipilov 2017 yil dekabr oyidan buyon "Metallurg" klubi bosh murabbiyi sifatida ishlab kelayotgandi.



