Championat.asia saytiga ma'lum bo'lishicha, "Paxtakor" yarim himoyachisi Abbos Fayzullayevning keyingi klubi Rossiyaning SSKA klubi bo'ladi.
Ma'lumot uchun, "armiyachilar" 13 karra Rossiya chempioni va shuncha marta mamlakat kubogi sohibi hisoblanadi.
2022/23 yilgi mavsumda jamoa Rossiya Premer-ligasida ikkinchi o'rinni egalladi.
Fayzullayev joriy mavsum "Paxtakor" safida O'zbekiston Superligasi doirasida 6 ta o'yinda maydonga tushib, 2 ta gol urdi va 1 ta golli uzatmani amalga oshirdi. Shuningdek, yarim himoyachi O'zbekiston yoshlar terma jamoasi bilan birgalikda qita chempioniga aylandi hamda jahon chempionatining nimchorak finaliga qadar yetib bordi.
Qolaversa, u joriy yil milliy terma jamoasi tarkibida debyut qildi.
