Eslatib o'tamiz, noyabr oyining oxirida Emeri salbiy natijalar bois “Arsenal” murabbiyligidan iste'foga chiqarilgandi.
“Arsenal”ning tanlovi menga yoqdi, Arteta to'g'ri tayinlov. Mikel bir necha yillardan beri APLda ishlab kelmoqda. Ilgari u “kanonirlar” safida to'p tepgan, so'nggi yillarda Gvardiola bilan ishlab kelayotgandi. O'ylashimcha, u keyingi muhim qadamni tashlashga tayyor”, deya Emerining so'zlaridan iqtibos keltirmoqda VVS.
Arteta 3,5 yil davomida Gvardiolaning assistenti sifatida faoliyat yuritdi. 37 yoshli ispaniyalik murrabbiyi bugun “Arsenal” bilan 3,5 yillik shartnomaga imzo chekdi.
Arteta “Arsenal” bosh murabbiyi sifatida ilk bellashuvni ertaga, 21 dekabr kuni “Everton” klubiga qarshi o'tkazadi.
