UZ

Сўнгги янгиликлар

00:55Эль-Шаарави собиқ жамоасига қайтмоқда  1 00:30Милнер: "Баҳона қилмаймиз. "YNWA"га мухтожмиз"  1 00:15Куман: "Барселона"да ўйнаётган футболчи пенальтида адашмаслиги керак"  1 00:01Спортчилар ижтимоий тармоқларда  0 23:55"Милан" навбатдаги трансферни эълон қилди  5 23:48Алли сафдан чиқди  0 23:43ОЧЛ қуръаси олдидан: "Пахтакор" нега 3-саватчада? Бунинг сабаби шундаки...  28 23:40Моуриньо йўқ деди, "Реал"ни Рауль бошқариши мумкин  7 23:25«Насаф» уч нафар футболчи билан шартномани узайтирди   16 23:17"Пахтакор" Дубайда машғулотларни бошлади  24 23:00"Футбол ретро талқинда" (87-сон)  4 22:56Моуринью: "Шундай рекордлар борки, уларни янгилаш имконсиз"  5 22:39"Милан" устози Манжукич ҳақида нималар деди?  3 22:11Расмий хабар: Ботирали Эргашев — АГМК футболчисига айланди  9 21:57"Тезкор студия". "Бунёдкор"га қайси мураббий мос? Ўзбекистонлик мураббийлар шунчалик камми? Самвел Бабаян интервьюга таклиф қилинди  9

Элдорбек Суюнов: “Григалашвилидан хавф кутган эдим, аммо...” Янгиликлар

Элдорбек Суюнов: “Григалашвилидан хавф кутган эдим, аммо...”

Орадан етти йил ўтиб Ўзбекистон кубоги финалида зафар қучган “Пахтакор” Суперлиганинг навбатдаги тур учрашувига тайёргарликни давом эттирмоқда.

Биз эса навбатдаги машғулотлар бошланишидан олдин дарвозабон Элдорбек Суюнов билан суҳбатлашиб, кубок финали борасидаги фикрлари билан қизиқдик.

- “Пахтакор” учун ғалаба билан тугаган финал ўйини нисбатан осон ўтди десак бўладими? Чунки жамоа шу куни барча жабҳада рақибдан устун келди...

- Ҳеч нарса осонликча қўлга киритилмайди. Бутун ўйин давомида устунлик биз томонда бўлди. Бу албатта ҳисобда ҳам акс этди. Мақсадимиз требл қайд этиш, Лига кубоги финалида ҳам ҳудди бугунгидек кайфият билан тўп тепамиз. Бу мавсумдаги сўнгги совринни ўзимизники қилиш учун бир қадам қолди.

- Ўтган йилги финалда нима ўхшамаган эди-ю, бу йил жамоага нима қўшимча куч ва мотивация берди?

- Бизда реванш олиш иштиёқи кучли эди. АГМК биз билан иштирок этган иккита финалда турли ва ўзгарган таркибда майдонга тушди. Улар билан солиштирганда бизда хоҳиш кучли бўлди. Биздаги реванш туйғуси уларда бўлмаслигини тахмин қилгандим. Шу боис бор кучимизни ишга солдик. Ғалабада 12 ўйинчи бўлмиш, ишқибозларимизнинг ўрни беқиёс.



- “Пахтакор”га қарши аксарият жамоалар ҳимоявий ўйин таклиф қилади. Одатда бундай шароитда дарвозабонларга юмуш топилмайди...

- Менимча бу кипер учун яхши эмас. Чунки, ўйин ритмидан чиқиб кетиши мумкин. Қанча кўп тўп билан муомалада бўлса, кутилмаган вазиятлардан чиқиб кета олади.

- Шахсан сиз АГМКнинг қайси футболчисидан хавф кутган эдингиз? Рақиб сафида ижрочилар етарлича ва улар ҳар қандай ҳолатда сизга ноқулайлик туғдириши мумкин эди...

- Элгужа Григалашвилидан ноодатий қарор ёки узоқдан йўлланадиган зарбаларни кутгандим. Аммо, ҳимоячиларимиз унга эркин ҳаракатланишига йўл қўйишмади.

- Бош ҳакам финал ҳуштаги янграгач, рақиб томонга асабий оҳангда бақирдингиз...

- Ҳеч қандай изоҳга ҳожат йўқ. АГМК матбуот котиби дўстим ҳисобланади. У билан тез-тез, қаттиқ ҳазиллашиб турамиз.


Абдулазиз суҳбатлашди

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика