"Буни ҳаёт дейишади. Имконият юзага келдими синаб кўриш керак. Рақобатдан ҳеч қачон қўрқмаганман. Кучли жамоага ўтаётганда захирага ўтириб қолишдан қўрқиш нотўғри, деб ўйлайман. Ҳаракат қилиш керак.
"Женоа"га ўтаётганимда бу клубнинг қизиқтирган жиҳати шунда бўлдики, клуб кўп ҳужумчиларни яхши жамоаларга берган. Иккинчидан футболчини кўп ушлаб турмайди. Яхши таклиф тушса трансфер қилишга доим тайёр. Бу жамоада ўсишга эришиш мумкин. Учинчидан "Сампдория" - "Женоа" дербиси. Мана шу уч омил муҳим аҳамият касб этди. Ниятим фақат кўпроқ ўсишга эришиб узоқроққа бориш",- дейди Шомуродов.
