- Олдинги жисмоний ҳолатга қайтиш учун қанча вақт шуғулланиш керак бўлади?
- Тахминан бир ой.
- Ушбу мавсумда ўз олдингизга қандай мақсадлар қўйгансиз?
- "Ростов" турнир жадвалида юқори ўринда бўлиши учун қўлимдан келганини қиламан. Шахсий ютуқлар? РПЛ тўпурари бўлишни истайман. Бу борада менда имкониятлар сақланиб қолган.
- Демак, Дзюбани қувиб ўтмоқчисиз?
- Албатта!
- Айтганча, нега пенальтиларни тепмаяпсиз? Бу орқали сиз ўз голларингиз сонини ошириб олишингиз мумкин.
- "Ростов" таркибида тажрибали футболчилар ва пенальтичилар бор. Улар пенальтини тепишади.
- Қайси ҳужумчига ўхшашни истайсиз?
- Ҳеч кимга. Ўзим бўлишни истайман. Агарда сиз кимнингдир ўйинини ёқтиришим ҳақида сўраётган бўлсангиз, Дидье Дрогба ва Фернандо Торресни айтган бўлардим.
- Ўзбек футболи тарихидаги энг яхши футболчи ким?
- Миржалол Қосимов! У бизнинг афсонамиз!
