ECHL. "Manchester Siti" - "Inter" 1:0

Gollar: Rodrigo Ernandes (Bernardu Silva) 68'

"Manchester Siti": 31. Ederson Moraes, 25. Manuel Akandji , 3. Ruben Diash, 6. Natan Ake, 5. Jon Stounz (2. Kayl Uoker 82'), 16. Rodrigo Ernandes, 20. Bernardu Silva, 17. Kevin De Bryuyne (47. Fil Foden 36'), 8. Ilkay Gyundogan, 10. Jek Grilish, 9. Erling Xoland.
Zaxira: 18. Shtefan Ortega, 33. Skott Karson, 4. Kalvin Fillips, 14. Emerik Lyaport, 19. Xulian Alvares, 21. Serxio Gomes, 26. Riyad Marez, 32. Maksimo Perrone, 80. Kol Palmer, 82. Riko Levis.
"Inter": 24. Andre Onana, 36. Matteo Darmian (33. Danilo D'Ambrozio 84'), 15. Franchesko Acherbi, 95. Alessandro Bastoni (8. Robin Gosens 76'), 2. Denzel Dyumfris (12. Raul Bellanova 77'), 23. Nikolo Barella, 77. Marselo Brozovich, 32. Federiko Dimarko, 20. Xakan Chalxanoglu (22. Genrix Mxitaryan 84'), 10. Lautaro Martines, 9. Edin Jeko (90. Romelu Lukaku 57').
Zaxira: 1. Samir Xandanovich, 21. Aleks Kordaz, 5. Roberto Galyardini, 6. Stefan de Vrey, 11. Xoakin Korrea, 14. Kristyan Aslani, 37. Milan Shkrinyar.
Ogohlantirishlar: Nikolo Barella 59', Romelu Lukaku 83', Erling Xoland 90+2', Andre Onana 90+2', Ederson Moraes 90+4', Simone Inzagi ("Inter" bosh murabbiyi) 90+6'

95+6. Uchrashuv yakunlandi! "Man Siti" o'z tarixida ilk bor ECHL g'olibi bo'ldi! "Inter"ga esa respekt!

90+3. Dimarkoning zarbasi biroz noaniq bo'ldi...

90. O'yinning asosiy vaqtiga 5 daqiqa qo'shib berildi.

90. Yana Lukaku, bu safar uning zarbasi noaniq bo'ldi.

88. QANDAY QILIB? LUKAKUUUUUU!!! Havolatib uzatilgan to'pni Romelu erga sapchitib darvozaga yo'lladi, Ederson qaytarib yubordi...

82. Stounzning futbolkasi yirtilib ketdi. Fursatdan foydalanib u o'z o'rnini Uokerga bo'shatib berdi.

77. Foden jarima maydonchasiga kirib borib zarba berdi, biroq to'pni Ederson ushlab oldi.

73. Lukakuning zarbasini Ederson ushlab oldi.

71. "Man Siti" jarima maydonchasi ichida xavfli vaziyat!!! Dimarkoning zarbasi darvoza to'siniga tegib qaytdi...

70. Xo'sh, buyog'iga milanliklar nima qila oladi? Uchrashuv "yonadi"!

Akanji jarima maydonchasi ichida turgan Bernarduga to'pni uzatdi, Silvani pasi rekoshetga uchrab orqaroqqa qaytdi, Rodri to'pga birinchi yetib kelib zarba berdi va gol urdi!

68. GOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL! Rodri finalda hisobni ochdi!

62. O'yin tempi yuqori, har ikki jamoa ham navbati bilan hujumlar uyushtirmoqda.

58. Laauutaarooo!!! Ederson bilan deyarli birga-bir vaziyatga chiqib bordi, darvozaga zarba berdi, biroq Moraes jamoasi joniga oro kirdi...

57. "Inter" hujum jizig'idagi futbolchini almashtirdi: Jeko o'rniga Lukaku maydonga tushdi.

54. Stounz - Gyundogan - Fodenning o'zaro kombinaciyasi amalga oshmay qoldi.

52. Uchrashuvning ikkinchi qismi anchagina jangovar ruhda boshlandi. O'yin ham qiziydiganga o'xshayapti.

46. Ikkinchi bo'lim boshlandi!

45+2. Birinchi bo'lim yakunlandi.

45+1. Akanjining uzoqdan yo'llagan zarbasi noaniq bo'ldi.

45. Finalning dastlabki bo'limiga 2 daqiqa qo'shib berildi.

Qiziq fakt: 2 yil avvalgi ECHL finalida "Chelsi" - "Man Siti" uchrashuvining 60-daqiqasida KDB jarohat olib maydonni tark etgan edi. Bu safar esa 35 daqiqa...

36. De Bryuyne o'rniga maydonga Foden maydonga tushdi. Endi final KDBsiz davom etadi!

34. Foden maydonga tushishga tayyorgarlik ko'rmoqda. Aftidan, KDBning ushbu jarohati jiddiyga o'xshaydi...

29. De Bryuynening uzoq masofadan yo'llagan zarbasini Onana ushlab oldi.

27. Xolandning jarima maydonchasi ichidan darvozaga yo'llagan zarbasini Onana qaytardi.

26. Ederson pas berishda xatoga yo'l qo'ydi, to'p Barellaga kelib tushdi, u darvoza bo'shligini ko'rib to'pni tepdi, biroq noaniq bo'ldi.

20. Brozovichning uzoq masofadan yo'llagan zarbasi noaniq bo'ldi.

16. O'yinning 15 daqiqasi o'tib bo'ldi. Hozircha hisob ochilmadi, shu bilan birga, aytarli xavfli vaziyat ham bo'lmadi.

11. Uchrashuvda bosim juda yuqori. Hatto bu bosim Edersonga ham tasir qilmoqda.

10. Endi navbat milanliklarda. O'ng qanotdan havolatib uzatilgan to'pni manchesterlik himoyachilar qaytarib yuborishdi.

Turkiya prezidenti Rajab Toyyib Erdo'g'on, FIFA prezidenti Infantino hamda UEFA prezidenti Cheferin finalni stadiondan turib kuzatib bormoqda.

3. Xoland boshladi. Ilkay to'pni KDBga uzatdi, belgiyalik oldinroqdagi Xolandga pas berdi, Erlingning zarbasi noaniq keldi. Qo'shimchasiga ushbu vaziyatda o'yindan tashqari holat ham bo'lgan ekan.

1. O'yin boshlandi!

Istambulda hamisha dahshatli finallar bo'lgan! Bu shahar o'z ananasiga sodiq qolgan holda bugun ham butun dunyo futbol muxlislari uchun superfinal namoyish etib berishlariga umidvormiz!

- Uchrashuv Toshkent vaqti bilan 00:00 da boshlanadi.

"Manchester Siti" "Inter"ni mag'lub etib, o'z tarixida ilk bor Yevropa Chempionlar Ligasi g'olibi bo'ldi!