UZ

Сўнгги янгиликлар

13:45"Тоттенхэм" Кристиан Эриксенни "Ювентус" футболчиси билан алмаштиришга тайёр  0 13:40Саудия Арабистони бош мураббийи: "Гол ўтказмаганимиздан хурсандмиз"  4 13:30Нуриддин Оулд Али Фаластиннинг имкониятлардан фойдалана олмагани ҳақида гапирди   0 13:23Olamsport: Эртага жанг қиладиган спортчи казинода катта пул ютқазди, спортчимизни эронлик мураббий Олимпиадага тайёрлайди  0 13:20Энг қиммат таркибга эга терма жамоа қайси?  3 13:07Интервью. Рустам Ашурматов: “Корея футболида Ўзбекистонда мен деярли кўрмаган жиҳат бор”  7 13:00Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)  2 12:56Алишер Никимбаев: "Яна тўрт нафар бразилиялик Хитой терма жамоасида ўйнаши мумкин"  17 12:45Абрамов ва Қосимов қарама-қаршилигида ким устун?  7 12:27"Атлетико", "Барселона", "Реал" ва "Валенсия" Осиёга келади  2 12:15"Қўқон-1912" - "Қизилқум". Мурод Холмуҳаммедов бугун ўйнамайди  5 11:55ЎФА ва ПФЛ келишилган ўйинларда иштирок этгани аниқланган икки клубни четлаштирди  28 11:45Холанд учун яна бир даъвогар пайдо бўлди  3 11:31Усмон Тошев: "Жамоа ўсишда давом этяпти"  20 11:20КОНМЕБОЛнинг энг қиммат футболчиларидан тузилган рамзий жамоа билан танишинг  6

«Динамо» Намангандаги нохуш анъанани ўзгартира оладими? (Превью) Янгиликлар

«Динамо» Намангандаги нохуш анъанани ўзгартира оладими? (Превью)

Теглар :  НавбаҳорДинамо
Суперлига 21-тури доирасидаги эътиборли ўйинлардан бири Наманганда “Навбаҳор” ва “Динамо” ўртасида кечади.

Уч ойдан буён Наманганда ғолиб бўла олмаётган “Навбаҳор” янги мураббий қўл остига ўтган “Динамо”ни қабул қилади.

Суперлига. 21-тур
1 октябрь (сешанба)
“НАВБАҲОР” – “ДИНАМО”
Бош ҳакам:
Шерзод Қосимов (Тошкент)
Стадион: Наманган, «Марказий» стадион.
Ўйин бошланиш вақти: 19:15
ТВ-трансляция: «Спорт» ТВ (жонли)

Биринчи даврада муроса

Самарқанд ва Наманган жамоалари ўртасидаги сўнгги ўйин 1-даврада кўҳна шаҳарда ўтказилиб, баҳс жанговар 2:2 натижаси билан якунланганди. Суперлига-2019 нинг “энг яхши ўйини” дея эътироф этилган ўша баҳсда Славко Лукич ажойиб зарба билан ҳисобни очган бўлса, кўп ўтмай Қадамбой Нурметов ҳисобни тенглаштирган. Тайм якунида эса Сардорбек Эминов узоқ масофадан йўллаган зарбаси билан “Динамо”ни ҳисобда олдинга олиб чиққан. Аммо 2-бўлимда “Навбаҳор” голеадори Александр Касьяннинг голи меҳмонларга дурангни келтирган. Бу баҳс фойдаланилмаган қатор ажойиб вазиятлар билан ҳам кўпчиликнинг ёдида қолганди.

Жамоалар қандай ҳолатда?
«Динамо» Суперлига доирасида ҳали сафарда ғалаба қозонмаган. Қолаверса, иккинчи даврада ҳали очко олганича йўқ. Шу боис, клуб мураббийлар штабида ўзгариш юз берди. Даврон Файзиев ўрнига Тачмурод Агамуродов иш бошлади. Янги мураббий “Динамо”даги ўзининг дебют ўйинини Наманганда “Навбаҳор”га қарши ўтказади.
Яна Андрей Канчельскис қўл остига ўтган “Навбаҳор”да ҳам ишлар аъло даражада деб бўлмайди. Наманган жамоаси уч ойдан буён Суперлига доирасида ўз уйида ғалаба қозона олмаяпти. Клуб Наманганда сўнгги марта июнь ойида “Бухоро”ни мағлуб эта олганди. Шундан кейин очколар асосан сафарда қўлга киритилган.

“Динамо”нинг сўнгги 5 ўйини:
16-тур. “Динамо” – “Қўқон-1912” – 0:1
17-тур. “Қизилқум” – “Динамо” – 2:1
18-тур. “Динамо” – “Бухоро” – 0:3
19-тур. АГМК – “Динамо” – 3:1
20-тур. “Динамо” – “Андижон” – 0:1.

“Навбаҳор”нинг сўнгги 5 ўйини:

16-тур. “Навбаҳор” – АГМК – 0:1
17-тур. “Андижон” – “Навбаҳор” – 0:1
18-тур. “Металлург” – “Навбаҳор” – 1:0
19-тур. “Навбаҳор” – “Пахтакор” – 0:1
20-тур. “Сўғдиёна” – “Навбаҳор” – 0:0

Ўзаро ўйинлар тарихи

Самарқанд ва Наманган жамоалари 1992 йилдан буён Олий Лига тарихида 47 маротаба рўбарў келишган. Статистика водий жамоасининг фойдасига «гапирмоқда»: 25 та ўйинда «Навбаҳор» ғалабани тантана қилган, 9 баҳс муроса йўли билан интиҳо топган, 13 марта эса «Динамо» ғолиб сифатида майдонни тарк этган.
Тўплар нисбати бўйича ҳам «тош» “Навбаҳор” томонини босмоқда: 84:43. Ўтказилган 47 ўйин якунида «Навбаҳор» 84 очкога эга чиққан бўлса, «Динамо» 48 очкони ўз ҳисобига ёзиб қўйган. Ўзаро ўйинларда наманганликларнинг энг йирик ғалабаси 7:1, «Динамо»да эса бу кўрсаткич – 2:0 га тенг.

Намангандаги ўзаро сўнгги учрашувлар:
26.08.2017. «Навбаҳор» - «Динамо» - 1:0
25.04.2015. «Навбаҳор» - «Динамо» - 2:1
07.11.2014. «Навбаҳор» - «Динамо» - 2:2
25.08.2013. «Навбаҳор» - «Динамо» - 1:1
12.05.2012. «Навбаҳор» - «Динамо» - 1:1
18.10.2011. «Навбаҳор» - «Динамо» - 1:1.

Таркибда қандай йўқотишлар бор?

“Навбаҳор” – “Динамо” ўйинида Наманган жамоаси сафида икки футболчи майдонга туша олмайди. Булар Иван Соловьев ва Жаҳонгир Меҳмоновлардир. Соловьев сўнгги турда “Сўғдиёна”га қарши баҳсда қизил карточка олган бўлса, Жаҳонгир Меҳмонов 4-маротиба огоҳлантирилиб, бир ўйинга дисквалификация қилинган.
“Динамо” сафида дисквалификацияга учраган футболчилар бўлмаса-да, жароҳат туфайли майдонга туша олмайдиганлар кузатилиши мумкин.

Эски танишлар...

Жорий йилда «Навбаҳор» сафида «Динамо»нинг бир қатор собиқ футболчилари тўп суришмоқда. Шу жумладан «Динамо»да ҳам. Айни дамда “Навбаҳор” сафида тўп сураётганлардан Азиз Ибрагимов 2015 йилда айнан Тачмурод Агамуродов қўл остида “Динамо”да тўп сурган бўлса, яна бир яримҳимоячи Абдужамол Исроилов 2017 йилда айнан “Динамо” сафида Олий Лигада дебютини ўтказган. Ҳозирда “Динамо” сафида тўп сураётган Баҳодир Насимов 1-даврада айнан “Навбаҳор” сафида тўп сурганди. Шунингдек, дарвозабон Ботирали Эргашев 2018 йилда, ҳимоячи Акмал Холмуродов эса 2010-11 йилларда “Навбаҳор” шарафини ҳимоя қилган.

«Динамо» Намангандаги нохуш тарихни ўзгартира оладими?
Тачмурод Агамуродов “Динамо” билан нафақат сўнгги ўйинлардаги муваффақиятсизликни, балки узоқ йиллик нохуш анъанага ҳам барҳам бериш имкониятига эга. Гап шундаки, Олий Лига тарихида “Динамо” Наманганда “Навбаҳор”ни мағлуб эта олмаган. Кўрамиз, янги мураббий бошқарувида Самарқанд жамоаси узоқ йиллик нохуш анъанани буза олармикан...?


Усмон Ибодов, «Динамо» клуби матбуот хизмати.


Рейтинг: +4   

Фикрлар

+4   
01 окт 14:16:16
JAMOLIDDIN1805
Olg'a Navbahor
+4   
01 окт 13:16:10
Islom Jurayev
Navbahor faqat galaba boshqasi bizni qoniqtirmaydi ikki jamoadanxam chiroyli futbol kutamiz derdimkuya lekin bugun ikki jamoa murabbiyi xam natijani birinchi planga quyadi chunki vaziyat xammaga ayon...
+3   
01 окт 15:19:42
Bahrom Razzakov
Manimcha Navbahor Dinamo o'yinida 4 : 0 bo'ladi !
+3   
01 окт 14:16:15
JAMOLIDDIN1805
Olg'a Navbahor
+2   
01 окт 14:57:16
G‘alaba
1 davrada Dinamo Navbahor uchrashuvini durang bo‘lgan, o‘sha o‘yinda Namangandan ko‘p sonli muxlislar borib durang bo‘lsa xam xakamni olqishlab Ravshan Ermatov deb baqirishgan edi.
Shuning uchun SH. Qosimov bugun Professional xakamlik qilib qarsaklar bilan chiqib ketishi o‘ziga bo‘g‘liq. Samarqanddan kelganlar xush kelibsizlar Navbahordan tashqari barcha o‘yinlarda omad!
Navbahordan esa chiroyli G‘ALABALAR kutib qolamiz. Olg‘a Navbahor! Olg‘a muxlislar!
+1   
01 окт 16:43:09
Farhod livirpul
Navbahor faqat g‘alaba kutamiz. Chiroyli o‘yin ham.
+1   
01 окт 16:39:42
Farhod livirpul
Navbahor faqat g‘alaba kutamiz. Chiroyli o‘yin ham.
+1   
01 окт 13:18:41
Old city boyS
Agamurodov tolka pobeda jdem ot vas!

Botirali Ergashev Baxodir Nasimov Jasur Azimov Akmal Xolmamatov Biz silar bilan FAQAT POBEDAAAA! DINAMO!!!
   
01 окт 16:54:10
NM
Vay sher Namanganga kelasanmi xech bomasa kaska kiyvol
   
01 окт 13:14:04
Old city boyS
Dinamo Samarqandni xursan qilib galaba bilan qayt!! Xudoni uzi qullasin
-1   
01 окт 15:33:18
Muhammadxon Mamatov
Dinamo yanchib tashla olg‘a Dinamoooo
-1   
01 окт 14:25:48
Uzb_fanati
Менимча динамо бу нохуш тарихни буза олади. Динамога факат галаба керак.
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг