UZ

Сўнгги янгиликлар

21:15"Барса" Зинченкони бир йилга ижарага олмоқчи   0 20:55"Андижон" - "Бухоро" учрашувидаги голлар ва хавфли вазиятларни томоша қилинг  0 20:53Ромелу Лукаку: “Ирқчилик бутун Европада ҳали ҳам мавжуд"   2 20:49"Металлург" - "Локомотив" учрашувидаги голлар ва хавфли вазиятларни томоша қилинг  1 20:30Жамшид Саидов: “Четлатишдан сўнг ўйин умуман ўзгариб кетди"  5 20:23Бахтиёр Ҳамидуллаев: "Бугунги муваффақиятни жамоамизнининг ҳақиқий ғалабасини кутган инсонларга бағишлаймиз. Сабаби..."  11 20:20"Манчестер Юнайтед" Умтити трансфери ҳақида бош қотирмоқда   2 20:02Суарес "Атлетико" учун тиббий кўрикдан ўтди   6 20:00"Йил жанги"га даъвогар тўқнашув учун ПРЕВЬЮ  0 19:52Андрей Микляев: “Курашларга бой ўйин учун футболчиларимга раҳмат айтаман“   3 19:46Андрей Шипилов: "Ҳакамлар нимага бундай қилишди ва бунга ким жавоб беради?"  7 19:11ПСЖ "Тоттенхэм"нинг ҳаддан зиёд талаблари туфайли Аллини ижарага олмайди   1 18:52Суперлига. "Металлург" ва "Локомотив" жанговар дурангга эришди  14 18:51Про лига. "Турон" Урганчда ғолиб бўлди, "Нефтчи" Самарқандда зафар қучди  39 18:50Суперлига. "Андижон" мавсумдаги илк ғалабасини "Бухоро" устидан қўлга киритди  33

«Динамо» Жиззахдаги 5 йиллик ёқимли анъанани давом эттира оладими? Янгиликлар

«Динамо» Жиззахдаги 5 йиллик ёқимли анъанани давом эттира оладими?

Суперлига 22-тури доирасидаги эътиборли учрашувлардан бири Жиззахда “Сўғдиёна” ва “Динамо” ўртасида кечиши кутилмоқда.

Қўшни вилоятларнинг бош жамоалари қарама-қаршилигида “Сўғдиёна” 3-ўрин учун 3 очкога интилса, “Динамо” лигада қолиш учун курашда сафарда муваффақиятли тўп суриши лозим.

Суперлига / 23-тур
29 октябрь, сешанба
СЎҒДИЁНА – ДИНАМО
Ҳакам:
Шерзод Қосимов
Ўйин бошланиш вақти: 17:00
ТВ-трансляция: Спорт ТВ


Ўзаро ўйинлар тарихи: Устунлик «Динамо»да

Самарқанд ва Жиззах вилояти шарафини ҳимоя қилувчи ушбу клублар 1992 йили старт олган Ўзбекистон чемпионати тарихида 39 марта ўзаро майдонга тушишган. Бу борада устунлик “Динамо”да. Самарқанд жамоаси ўзаро ўйинларда Жиззах клубини 18 марта мағлубиятга учратган бўлса, “Сўғдиёна” 13 марта “Динамо”ни мағлуб этган. 8 марта ўйин дуранг натижа билан якунланган. “Динамо”нинг “Сўғдиёна” устидан қозонган энг йирик ғалабалари 4:0 ва 3:6 бўлса, жиззахликларнинг энг йирик ғалабаси 3:1 ҳисобидаги ғалаба саналади.

Жиззахда ўтган ўзаро сўнгги учрашувлар:
30.09.2017 «Сўғдиёна» - «Динамо» 0:0
01.10.2015 «Сўғдиёна» - «Динамо» 1:2
29.03.2014 «Сўғдиёна» - «Динамо» 1:3
26.05.2013 «Сўғдиёна» - «Динамо» 4:3
05.03.2011 «Сўғдиёна» - «Динамо» 0:0
14.06.2009 «Сўғдиёна» - «Динамо» 3:1
18.11.2008 «Сўғдиёна» - «Динамо» 1:1

Жорий йилги ўзаро ўйинлар

“Динамо” 2019 йилги мавсумда Суперлига 1-даврасида ва Лига Кубоги доирасида “Сўғдиёна” билан учрашди. Ушбу баҳсларда “Динамо”чилар ғалаба қозонишганди.

Суперлига. 4-тур. 13 апрель
“Динамо” – “Сўғдиёна” - 1:0
Гол:
Қадамбой Нурметов, 51 (1:0).


Лига Кубоги. 2 июль, 2019 йил.
“Сўғдиёна” – “Динамо” – 0:3
Голлар:
Шоҳруҳ Абдураҳмонов 20, Санжар Баратов 82, Сардор Эминов 90+2.

Учрашув бош ҳаками ҳақида факт...

Бош ҳакам Шерзод Қосимов бошқарган учрашувларда "Динамо" ҳозирча ғалаба қозона олмаяпти. Эътиборлиси, ПФЛ кетма-кет 4-марта Шерзод Қосимовни "Динамо"нинг сафардаги ўйинларига тайинламоқда. Самарқанддаги баҳсларда эса Қосимов бу йил умуман ишламаган. Афсуски, Шерзод Қосимов бошқарган бу йилги 3 учрашувдан 3 тасида ҳам "Динамо" мағлуб бўлган. Айниқса, Термизда "Сурхон" ва сўнгги сафар ўйинида "Навбаҳор" билан учрашувда Шерзод Қосимов дарвозамиз томон пенальти белгилаганди. Қолаверса, Қадамбой Нурметовни майдондан четлатганди. Умид қиламизки, бу сафар "Динамо" бу фактни йўққа чиқаради.

Эски танишлар...

“Динамо” ва “Сўғдиёна” таркибида бир қатор футболчилар борки, улар аввал Самарқанд ёки Жиззах клуби шарафини ҳимоя қилишган. Хусусан, “Динамо” таркибидаги Шоҳруҳ Эшбўтаев, Акмал Холмуродов, Сардор Эминов, Ихтиёр Тошпўлатов, Бобур Қосимов сингари футболчилар олдинги мавсумларда Жиззах клуби сафида тўп суришган.

Жиззах жамоасидан эса ҳужумчи Иван Нагаев 2011-12 йилги мавсумларда “Динамо” шарафини ҳимоя қилган.

“Динамо” клуби матбуот хизмати.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика