Дибала ёзда "Ювентус"ни тарк этиши мумкин

Туриннинг "Ювентус" клуби ҳужумчиси Пауло Дибала ёзги трансфер ойнасида жамоани тарк этиши мумкин, деб хабар берди "Football Italia".

Манбага кўра, "кекса синьора" раҳбарияти мавсум бошида шартномани узайтиришдан бош тортган 27 ёшли аргентиналик футболчининг келишув шартларини яхшиламоқчи эмас. Ўтган ёзда клуб футболчига бонусларни ҳисобга олган ҳолда йилига 10 миллион евро маош таклиф қилганди.

Аргентиналикнинг амалдаги шартномаси 2022 йил ёзигача амал қилади, шу сабабли Дибала шартномани ёзгача узайтирмаса, клуб уни эркин агент сифатида қўйиб юбормаслик илинжида келгуси трансфер ойнасида сотишни режага киритади.

Дибала жорий мавсумда 16 та учрашув ўтказиб, шулардан 3 тасида гол урган ва 2 та голли узатма берган.