Бельгия терма жамоаси ҳимоячиси Жейсон Денайер "Шабаб Ал Аҳли"га ўтди. Амирликлар клуби расмий сайти 27 ёшли футболчининг трансфери ҳақида маълум қилди.
Денайер "Лион" билан шартномаси якунлангач, 1 июлдан бери эркин агент мақомига эга эди.
Қишда бельгиялик ҳимоячига "Спартак" ҳам қизиқиш билдирганди, бироқ ўшанда томонлар келишувга эриша олишмаган.
Эслатиб ўтамиз, икки кун олдин Денайер Ғаниевнинг жамоадошига айланиши мумкинлиги ҳақида хабар берган эдик.
