- O'yin haqida
- Bugungi o'yin derbi maqomida o'tdi. Bunday o'yinda faqat muxlislar yutadi. Qiziqarli va gollarga boy o'yin guvohi bo'ldik.
Futbol xatolardan iborat. Durang har ikki jamoani ham qoniqtirmagani aniq. 3 ta hujumchimiz 3 ta gol urdi, bu quvonarli holat.
Takror aytaman, o'yin hissiyotlarga boy bo'ldi. Oldimizda qilinadigan ishlar ko'p. Xato va kamchiliklar ustida ishlaymiz.
- Javohir Sidiqov va Murod Xolmuhammedovning o'yinida pasayish kuzatilayotgandek...
- G'alaba jamoaniki, mag'lubiyat esa murabbiyniki. Bu yerda Javohir yoki Murodni ayblash noto'g'ri. Natijaga butun jamoa javobgar. Futbolda kimdir xato qiladi va undan kimdir unumli foydalanadi.
- 3:3 hisobidan qoniqdingizmi?
Mag'lubiyatga uchrab turib 3:3 qilganimizni qoniqarli deyish mumkin. Lekin bir kishi kam jamoa bilan 2:1 hisobini boy berishi – bu juda yomon xolat. Gol urishga imkoniyatlarimiz bo'ldi, ammo raqib ham yaxshi himoyalandi. Hozir ochko yo'qotdik yoki qo'lga kiritdik, deyish noto'g'ri bo'ladi. O'yindagi hisobdan xotirjamlikka berilish xato bo'ldi.
- Jamoa yozgi transferlar oynasida faollik qilmaganiga sabab nima bo'ldi?
- Ochig'i, bu savolni kutgandim. Lekin, keling bu savolni ochiq qoldiraylik.
