Давлат корхоналари ҳам "обнал фирма"лар билан "сохта" битим тузган. Улар орасида "Навбаҳор Лочинлари" МЧЖ ҳам бор
24 фев 12:33
Янгиликлар
Давлат корхоналари ҳам "обнал фирма"лар билан "сохта" битим тузган. Улар орасида "Навбаҳор Лочинлари" МЧЖ ҳам бор
Ушбу рўйхатдан 396 та корхона жой олди.
Ушбу хўжалик юритувчи субъектлар ўз фаолияти давомида қалбаки операцияларни амалга ошириб, бюджетга тўланадиган солиқ суммаларини камайтирганлар. 10 мингга яқин корхона улар билан молиявий операцияларни амалга ошириб, қарийб 1 триллион сўм миқдоридаги қўшилган қиймат солиғи суммасини ҳисоб (зачет)га олган ҳолда бюджетга тўламаган.
Бундай контрагентлар орасида 120 та давлат корхонаси (47,3 млрд. сўм) ва 86 та давлат улуши мавжуд (48,1 млрд. сўм) корхона аниқланди.
Рўйхатда "NAVBAHOR LOCHINLARI PFK" МЧЖ ҳам бор. Soliq.uz сайтига кўра, ушбу МЧЖ учун 26,1 миллион сўмлик маҳсулот харид қилинган ва шундан ҚҚС 3,4 миллион сўмга тенг бўлган.
Бундан ташқари "MARKAZIY O`YINGOHI BINOLА" ДУК (тўлиғи NAMANGAN VILOYATI HOKIMLIGI QOSHIDAGI MARKAZIY O YINGOHI BINOLARI VA INSHOOTLARIDAN FOYDALANISH DIREKTSIYASI DUK) ҳам рўйхатдан ўрин олган. Soliq.uz сайтига кўра, Абдуганиев Наби Абдувалиевич ушбу МЧЖ учун 12,5 миллион сўмлик маҳсулот харид қилган ва шундан ҚҚС 1,6 миллион сўмга тенг бўлган.
Реклама
Ўхшаш янгиликлар
championat.asia
ОЧЛ-2021. "Шаржа" "Пахтакор"ни йирик ҳисобда таслим қилди
ОЧЛ-2021. АГМК Тожикистон чемпионига мағлуб бўлди
Миржалол Қосимов: "Хатоларимиз эвазига ғалабани рақибга топшириб қўйдик"
А Серия. Шомуродов захирадан тушган ўйинда "Милан" "Женоа"ни мағлуб этди
Фикрлар
Узбекистондаги тадбиркорларни йук жойдан ККСга тортиб хонавайронлик екасига олиб келиб куйдику.
Солик идораси монопол ташкилотлар туламай юрган миллардлаб ККСларни бюджетга тушириб куйсин кейин арзимаган миллионларни кавлаштирсин.
Навбахорни солик туламаган дейилмаяпди ККСдан карздорлик бор деябди.
Мен молия сохасини тушинмайманку лекин ККС схемаларини унча мунча бухгалтер хам тушунолмай гаранг эмиш
“Сариқ матбуот” деган ибора бор, эшитгандирсиз? Унинг пайдо бўлганига юз йилдан ошди, XIX асрда АҚШда туғилиб, аллақачон бизгача етиб келган. Ўшандан буён адад (тираж) ортидан қувиб, оммани “қайноқ” хабарлар билан ўзига жалб этадиганларга “сариқ тамға” насиб этиб келмоқда. Улар учун муҳими – биринчилардан бўлиб “СЕНСАЦИЯ!” деб қичқириш. Инновацион технологиялар ривожланган бугунги кунда мазкур нохуш анъана энди айрим ахборот сайтлари, уларнинг ижтимоий тармоқлардаги саҳифалари учун даромад манбаига айланиб қолди. Нима қилинмасин, омма эътиборини ўзига жалб этиш шарт. Ҳар ерда бўлгани каби, бу ерда ҳам шундай “профессионаллар” ишлашадики, ўз манзилларига “сариқ” деган айблов ёғдирилишидан заррача ранжимайдилар. “Пашшадан фил ясаб”, йўқ жойдан можаро чиқариш – уларнинг “бизнеси” шундан иборат.
Одатда, “сариқ матбуот”ни ҳеч ким ёқтирмайди, аммо кўпчилик ўқийди. Қизиқиш кучлилигидан “Қани, бир қиё боқайлик чи” дейиш инсонга хос хусусият. Буни инкор этиб бўлмайди. Аммо ушбу омилдан ўз манфаати йўлида фойдаланмоқчи бўлаётганларни ким деб аташ мумкин?
24 февраль куни championat.asia сайтида “Давлат корхоналари ҳам “обнал фирма”лар билан “сохта” битим тузган. Улар орасида “Навбаҳор Лочинлари” МЧЖ ҳам бор” сарлавҳали хабар чоп этилди. Ҳа, бу бирор бир журналистик суриштирувлар асосида тайёрланган мақола эмас, шунчаки, бошқа бир манба тарқатган хабарнинг кўчирмаси, холос. Бу ердаги калит сўз – “НАВБАҲОР”! Наманганда мухлис кўп, ушбу хабарни ўқигани сайтга кўпчилик ташриф буюради, мақолалар остига турли мазмунда изоҳлар қолдирилади. “Эл оғзига элак тутиб бўлмайди”, деганларидек, у ерда ҳам қарама қарши фикрлар билдирилади. Қарабсизки, навбатдаги можаро тайёр. Бир юртда яшаб туриб, бир бирини ҳақорат қиладиган айрим фойдаланувчиларни эса сайт админлари жим кузатишади. Қойилмисиз?
Агар журналист юқоридаги каби маълумотга кўзи тушиб, уни тўлиқ ёритишни мақсад қилса, тақдим этаётган хабарининг остига манба сифатида ўз сайти номини кўрсатиш ниятида бўлса, дастлаб манба берган маълумотлар қайси даврга тегишли эканлигини аниқлаб, бугунги кунда рўйхатда қайд этилган ташкилотларда бошқа раҳбарлар фаолият юритаётганини қўшимча қилганида, мана буни ҳақиқий профессионаллик деса бўларди. Йўқ, қўшимча маълумотлар киритиш нисбатан кўпроқ вақт талаб этади. Ҳаммадан олдин “Навбаҳор” ҳақида СЕНСАЦИЯ” деб “қичқириш” учун эса уни ўз ҳолида тақдим этган маъқул. Акс ҳолда, “сариқ матбуот” принципи қаерда қолади?
Ёдингизда бўлса, 2018 йилнинг кузида ПФЛ ҳақида мавжуд ҳужжатларга зид равишда маълумотлар тарқатишни давом эттиргани сабабли ташкилот championat.asia нашри ходимларининг аккредитацияларини бекор қилганди. Ўшанда “жабрдийда” сайт ходимларини айрим журналистлар ижтимоий тармоқлар орқали ҳимоя қилишга уринишганда, ПФЛ ўз қарорини асослаб берган, қўшимча равишда холис маълумот етказишда давом этаётган sports.uz, ******, uff.uz, daryo.uz, ****** сайтлари, UzReport TV ва Sport TV телеканаллари, “Интерфутбол”, “Футбол Экспресс” газеталари, Turon 24 ахборот агентлиги ва бошқа кўплаб нашрларга миннатдорчилик билдирганди.
Бу билан championat.asia бугун ёлғон маълумот тарқатди, дейиш фикридан йироқман. Мазкур ҳолатда Наманган фарзанди ва “лочинлар” мухлиси сифатида сайтнинг “Навбаҳор” номидан ўз манфаатлари йўлида фойдаланишга интилаётгани (бу анчадан буён давом этмоқда) хунук кўринмоқда. Қолаверса, шу каби хабарларни “даҳшатли” сарлавҳа остида чоп этиб, “комментария”ларда мухлисларни уриштириш якунда “Навбаҳор” ҳақида салбий тасаввур уйғонишига сабаб бўлиши мумкинлигидан хавотирдаман, холос.
Ҳар қандай ҳолатда ҳам самимийлик ва бир биримизга ўзаро ҳурмат йўқолмасин! Сохта шов шув ортидан қувадиганларга айтадиганим эса битта – САРҒАЯВЕРМАНГ!
@umarovutkir