- SSKA selekcionerlari qaysi hududlarni kuzatishadi?
- Hamma joyga qaraymiz - Urugvay, Braziliya, Chili, Meksika. Masalan, men Misrga borib, u yerdagi futbolchilarni kuzatib keldim. Marokashliklar bor. Eronliklar ham. Hamma joyda qobiliyatli yigitlar bo'lishi mumkin.
Hozir o'zbeklarda yaxshi avlod yetishib chiqdi. May oyida ular U-23 Osiyo Kubogi finalida Yaponiyaga qarshi o'ynashdi. Men o'sha bahsni tomosha qilganman. Umuman olganda, menga ikki-uch yigitning o'yini yoqdi.
- O'zbeklar haqida gapirdingiz. Fayzullaev qishda yoki keyingi yozda Yevropaning top-klubiga ketsa, hayron qolmaysizmi?
- Hayron bo'lmasdim.
- Qanday darajadagi klubga?
- Barselonaga emas, beshinchi yoki oltinchi o'rindagi klubga.
- Real Sosedadgami?
- Ha. Agar Abbos hozirgidek o'ynashda davom etsa, bir-ikki yildan keyin uni SSKAda ko'rmasligimiz mumkin, - dedi hozirda SSKAda selekcioner-murabbiy bo'lib ishlayotgan sobiq yarimhimoyachi.
