Rasmiy uchrashuvlarga tayyorgarlik ko'rayotgan “Chelsi” bugun Chempionship vakili QPRga qarshi nazorat bahsini o'tkazdi va 7:1 hisobida zafar qozondi. “Aristokratlar” safida Ruben Loftus-Chik va Billi Gilmor dublga erishgan bo'lishsa, Meyson Maunt, Olive Jiru hamda Villian bittadan gol urishdi.
Eslatib o'tamiz, Frenk Lempard shogirdlari Angliya chempionatining 30-turi doirasida 21 iyun kuni safarda “Aston Villa”ga qarshi bahs olib boradi. Jamoa musobaqa jadvalida 48 ochko bilan 4-o'rinda bormoqda.
