Championat.Asia ва Transfermarkt Ўзбекистон Суперлигасининг октябрь ойидаги энг яхши мураббийи ва футболчисини аниқлади

Шунингдек, ўзбек футболи тарихидаги энг яхши ўйинчилардан бири, ўтказилган ўйинлар сони бўйича терма жамоа рекордчиси (128 ўйин) ва Осиёнинг икки карра энг яхши футболчиси (2008 ва 2011) Сервер Жепаров ҳам эксперт сифатида қатнашди. Ҳисобга фақат Суперлига ўйинлари, аниқроғи, октябрь ва ноябрь ойи бошидаги терма жамоалар ўйинлари учун танаффусдан кейин ўтказилган учта тур (25, 26 ва 27-турлар) киритилган.

Суперлиганинг октябрь ойидаги энг яхши мураббийи Виталий Левченко бўлди. Унинг қўл остида "Нефтчи" учта ўйинда учта ғалабага эришди. Шу тариқа, Фарғона клуби мамлакатнинг амалдаги чемпиони "Насаф"ни ортда қолдириб, турнир жадвалида биринчи ўринга чиқиб олди. Қатнашчиларнинг 52 фоизи Левченкога овоз берган.

Бироз фарқ билан Суперлиганинг октябрь ойидаги энг яхши футболчиси Беҳруз Каримов бўлди. "Сурхон"нинг 18 ёшли ҳимоячиси учта ўйинда учта гол урди. Қизиғи, бу голлар Каримовнинг катталар сафидаги илк голлари бўлди. Каримов 32 фоиз овоз тўплаб, "Бунёдкор" вингери Имеда Ашортияни (26 фоиз) атиги бир овозга ортда қолдирди.