"Бунёдкор" U-19 устози Анвар Ғофуров: "Қисқа вақт ичида йигитларга ғолиблик руҳини сингдиришга ҳаракат қилдик"
03 ноя 2024 11:59
Янгиликлар

"Бунёдкор" U-19 устози Анвар Ғофуров: "Қисқа вақт ичида йигитларга ғолиблик руҳини сингдиришга ҳаракат қилдик"

Кеча ПФЛ томонидан ташкил қилинган U-19 чемпионатининг финал учрашувлари бўлиб ўтди.

Унда бош соврин учун "Бунёдкор" ва "Пахтакор" ёшлари куч синашди. Муросасиз ўтган ўйинда омад "шерлар"га кулиб боқди. Мазкур ўйиндан сўнг "қалдирғочлар" устози Анвар Ғофуров фикрларини билдирди.

"Ўзига яраша ҳамма ишда қийинчиликлар бўлади. Қисқа вақт ичида кўплаб ғалабалар қозонишга ҳаракат қилдик. Йигитларга ғолиблик руҳини сингдиришга уриндик. Келажакда бу жамоадан асосий таркибда ўйнайдиган футболчилар етишиб чиқишига ишонаман. Шу боис ҳозирданоқ ғалаба руҳиятини ўзларида ҳис қилишлари керак.

Финалда балки чарчоқ таъсир қилгандир. 3 та ўйинлар орасида вақт қисқа. Қайсидир вазиятларда диққат етишмади. Кимдир ютиши учун кимдир хато қилиши керак. Бизда кўпроқ хатолар кузатилгани учун мағлуб бўлдик деб ўйлайман",- дейди Анвар Ғофуров.