UZ

Бугун футбол. "Сўғдиёна" - "Насаф" Янгиликлар

Бугун футбол. "Сўғдиёна" - "Насаф"

Бугун Суперлиганинг 20-туридан ўрин олган учта беллашув ўтказилади. Жиззахда "Сўғдиёна" "Насаф"ни қабул қилади.

Мусобақа жадвалида "Сўғдиёна" 16 очко билан 11-ўринда бормоқда. "Насаф" эса 23 очко жамғарган ва 8-ўринни эгаллаб турибди. Буёғига "Сўғдиёна" элитада қолиш учун курашади, "Насаф" эса кучли олтиликка киришга ҳаракат қилиб кўради.

"Сўғдиёна" ўз майдонида "Бухоро"ни 3:0 ҳисобида мағлуб этганидан бери кейинги учрашувларда ғалаба қозона олмади. Жамоа шундан сўнг бешта учрашувда майдонга тушиб, тўрт марта имконияни бой берди ва бир бор дуранг қайд этди. Қизиғи шундаки, мана шу охирги бешта ўйинда рақиб дарвозасига атиги битта тўп киритилди.

Бугунги баҳс "Сўғдиёна" учун уйдаги 10-учрашув бўлади. Бу жамоа ўз майдонида фақат икки бор зафар қучган: "Навбаҳор" ва "Бухоро" устидан. "Сўғдиёна" уй учрашувларида 9 очколи бўлган. Тўплар нисбати 9-10.

Охирги пайтларда "Насаф"нинг ҳеч омади келмаяпти. Қаршиликлар ўтган турда яна мағлубиятга учрашди. Жамоа ўз майдонида АГМКга 0:2 ҳисобида ютқазиб қўйди. "Насаф"нинг сафарда ҳам ишлари юришмаяпти. Чунки бу жамоа сафар беллашувларида фақат бир марта ғалаба қозонган. "Насаф" 3-турда "Қизилқум"ни мағлуб этиб қайтган.

Рўзиқул Бердиев шогирдлари умумий ҳисобда сафарда 9 бор майдонга тушиб, битта ғалаба, 5 дуранг ва 3 мағлубият билан 8 очко тўплашган. Тўплар нисбати: 6-9. Биринчи даврада Қаршида бўлиб ўтган ўйинда "Сўғдиёна" кутилмаганда 2:1 ҳисобида зафар қучган. Бугун майдон эгалари ўша ғалаба тасодиф эмаслигини исботлашга ҳаракат қилишади.

Рейтинг: +4   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг