Toshkentda "Bunyodkor" poytaxt viloyatining "Metallurg" klubini qabul qiladi. Musobaqa jadvalida "Bunyodkor" 10 ochko bilan 6-o'rinda boryapti, "Metallurg" esa 6 ochko to'plagan holda 12-pog'onani egallab turibdi. "Bunyodkor"da to'plar nisbati 10-13, "Metallurg"da esa 3-5.
Qatorasiga uchta g'alabani nishonlagan "Bunyodkor" oxirgi ikki o'yinda yutqazib qo'ydi. "Qaldirg'ochlar" avvaliga o'z maydonida "Olimpik"ka 1:5, so'ngra Namanganda "Navbahor"ga 1:2 hisobida imkoniyatni boy berdi.
"Metallurg" dastlabki turda AGMKni mag'lub etganidan beri boshqa g'alaba qozonmadi. Bekobodliklar shundan so'ng 3 durang va ikki mag'lubiyat qayd etishdi. Albatta, "Metallurg"ga ham oson tutib bo'lmaydi, chunki jamoa bu ketishda Proligaga ravona bo'lishi mumkin. Shu bois ispaniyalik murabbiy Luisma Ernandes hozirdan otni qamchilashi shart.
10 may, seshanba
19:00. BUNYODKOR – METALLURG
Hakamlar: Firdavs Norsafarov, Anvar Marajabov, Ziyodullo Abdurahmonov, Doston Rahmonov
Nazoratchi: Marat Ismoilov
VAR hakami: Akobirxo'ja Shukurullaev
VAR assistenti: Jahongir Saidov
VAR nazoratchisi: Vladislav Seytlin
Komissar: Laziz Qo'chqorov
