Бугун футбол. "Андижон" - "Сурхон"

Мавсум бошидан бери ҳали ғалаба қозонмаган "Андижон" ўз майдонида "Сурхон"ни қабул қилади. Турнир жадвалида "Андижон" 5 очко билан 11-ўринни эгаллаб ткурибди. Тўплар нисбати 6-10. "Сурхон" эса 4 очко билан 12-ўринда боряпти ва тўплар нисбати 8-17. 

Демак, бугун Андижонда жадвалнинг кетма-кет поғоналарида бораётган икки жамоа тўқнашуви гувоҳи бўламиз. Қизиғи шундаки, "Андижон" бир поғона юқорида тургани билан ҳали ғалаба қозонмаган. Жамоа 8та ўйиннинг 5тасида дуранг ўйнаб, уч бор мағлуб бўлган. 

"Сурхон" эса бир мартадан ғалаба ва дуранг қайд этиб қолган баҳсларда имкониятни бой берди. Хусусан термизликлар охирги тўртта ўйиндан бери фақат мағлубиятга учрашмоқда. Жамоа ўтган тур янги мураббий Равшан Ҳайдаров қўл остида илк учрашувини ўтказиб "Локо"дан мағлуб бўлди, бироқ "темирйўлчилар"га жиддий қаршилик кўрсата олди. 

"Андижон"га келсак, бу жамоа охирги 3та ўйинини дуранг билан якунлади. "Бургутлар" сафарда "Сўғдиёна" ва "Қизилқум" билан 1:1, уйда эса "Бунёдкор"га қарши 0:0 ҳисобини қайд этишди. Қизиғи шундаки, Андижон Жиззах ва Навоийда охирги дақиқаларда гол уриб мағлубиятдан қутулиб қолди. 

Бугун баҳсда имкониятларни тенг баҳоласа бўлади. Лекин майдонда қаттиқ "жанг" кечиши аниқ, чунки ғалаба ҳар икки жамоага ниҳоятда зарур. Албатта, Равшан Ҳайдаров тезроқ ғалаба қўлга киритилишини хоҳлайди. Бироқ йил бошидан бери ҳали ютмаган майдон эгалари қараб турмаса керак. 

P.S. Бугун соат 19:00да бошланадиган баҳсни "Маҳалла" телеканалида тўғридан тўғри кузатиб боринг.

Андижон

Суперлига. 9-тур 12/07/2020, 19:00 1 : 0 Тугади

Сурхон Александр Касьян - 45'

45'

90'

47'  Ибе Мичел Окоро

52'  Эмануэль Аривачукву

59'  Эмануэль Аривачукву

70'  Жаҳонгир Абдумўминов (Сирож Мелиев)

70'  Жамшид Ҳасанов (Артём Литвяков)

76'  Хушнудбек Авилов (Қаҳрамон Баҳодиров)

83'  Темур Усмонов (Бахтиёр Қосимов)

45'  Александр Касьян

45'  Шерзод Каримов

59'  Асрор Ғофуров

64'  Александр Касьян

76'  Абдуқаҳҳор Хожиакбаров (Ҳусниддин Ғофуров 1997)

78'  Азиз Ибрагимов (Сардор Сулаймонов)

90'  Шерзод Каримов (Владимир Бубанья)

Матч-центрда очиш