Xabarlarga ko'ra, nemis klubi rahbariyati so'nggi o'yinlardagi natijalardan, xususan, hozirda Bundesligada oxirgi o'rinda borayotgan “Paderborn“ga qarshi (3:3) durangdan norozi.
Ma'lum qilinishicha, agar “Borussiya Dortmund“ jamoasi “Barselona“ga qarshi uchrashuvdan keyin Chempionlar ligasi pley-offiga yo'llanma yutib olishni kafolatlay olmasa, Favr bosh murabbiylik lavozimidan chetlatilishi mumkin.
Eslatib o'tamiz, Favr nemis jamoasini 2018 yil iyul oyidan beri boshqarib kelmoqda. Uning klub bilan shartnomasi 2021 yil yozigacha mo'ljallangan. Ayni paytda “Borussiya“ 20 ochko bilan Germaniya chempionatida 6-o'rinni egallab turibdi.
