UZ

Сўнгги янгиликлар

20:42Дешам: "Зидан ноёб мураббийга айланиб бўлди"  1 20:17Эмре Жан кейинги ҳафта "Ювентус"да тиббий кўрикдан ўтиши мумкин  1 19:56Доннарумма учун хеч ким 70 миллион тўлашни истамаяпти  7 19:38Арсен Венгер фаолиятини Японияда давом эттирадими?  4 19:06Бартра ЖЧ-2018да Карвахалнинг ўрнини эгаллаши мумкин  20 18:52Месси - топ-5 лигаларининг энг яхши тўпурари  25 18:30"Юве" МЮ футболчиси учун, Моратадан воз кечди  5 18:15"Севилья"нинг янги бош мураббийи аниқ  1 17:55Бэйл келажагига аниқлик киритди  10 17:41"Ювентус" "Милан" ҳимоячисини нишонга олди  1 17:24Гиггз Бэйлни мақтади  6 17:10Спалетти Кариусга қандай жиҳат етишмаганини айтди  4 16:55Бугун "Металлург" - "Локомотив" учрашувини "Спорт" телеканали орқали ёзиб олинган ҳолда томоша қилинг  4 16:41Клопп Кариуснинг ўйинига баҳо берди  16 16:32Olamsport: 43 ёшли Чусовитинада навбатдаги олтин, дзюдочимиз Гран-При совриндори ва бошқа хабарлар  1

Биз Уткин бўла оламиз, Сизчи? Янгиликлар

Биз Уткин бўла оламиз, Сизчи?

«Бунёдкор» – «Локомотив» ўйинидан сўнг ўтказилган матбуот анжуманида Миржалол Қосимовни ўрнини эгаллаган Мурод Отажонов, бир нечта вазиятларда учрашув ҳакамини нотўғри қарор чиқарганлиги ҳақида айтиб ўтди.


Норбек Ниёзовнинг, «ҳакамдан ташқари ўзингизда бир қанча имконият бўлди-ку» деган саволига, мураббий шундай жавоб берди:
– …. Мана сизлар ҳам Уткин каби ёза олмайсизлар, ҳаммамизни даражамиз шу. Бизнинг ҳам даражамиз шу, футболчиларнинг ҳам… (эътирозга ҳожат йўқ, "запис" бор).


Матбуот анжумани якунига етганидан сўнг, жуда кўплаб ОАВ вакилларини бу жавоб аччиғига сабаб бўлди. Келинг совуққонлик билан мулохаза юритамиз. Ҳақиқатдан ҳам бизнинг энг юқори нотамиз шуми? Менимча ундай эмас. Лекин футболчи ва мураббийларимизнинг савиялари шундай эканлиги ҳаммага аён. Агар сўнгги иккита Тошкент дербисидан чиқиб олий лигага умумий баҳо берадиган бўлсак, тамом бўлибди ички чемпионатамиз. Учрашув қайдномасига эмас, реал қарасак «Пахтакор» – «Бунёдкор» ва «Бунёдкор» – «Локомотив» ўйинига жами 6 000та ҳам томошабин келмаган. Мухлисларни сифатсиз маҳсулот билан боққандан кейин, ишқибоз стадионга келармиди? Ёки биз савиясиз футболни «эл классико» ёки Англия дербисини ёритгандек мақтайликми? Лекин биз Уткин бўлишимиз мумкин, аммо сизлар Моуриньо ёки Криштану бўла оласизларми? Менимча йўқ. Аммо сизларда бунинг учун ҳамма шароитлар бор, бўлганда ҳам ҳаражат чўнтакдан эмас. ОАВда эса бу сал бошқачароқ. Қийинчилик билан йўлга қўйган сайти ёки газетасини, Уткинга ўхшаб танқид билан тўлдира олмайди деб ўйлайсизми? Тўлдира олганда қандо-ки! Агар ҳамма журналистлар келишиб ҳакамлардан тортиб, ўйинни сотувчи мураббийларга. Бюджет пулини «откат» орқали каламушдек кемираётган мураббий-у, шу футболдан дам олиш ўрнига келишилган ўйинни кўриб кетаётган мухлиснинг ноласигача ёзишимизни истайсизми? Ишонаверинг, биз бу савияда ёза оламиз. Лекин бу ўзингизга қимматга тушади. Битта танқид чиқиб қолса, журналистни рақамини қидириб қоласизлар, тағин бизнинг даражамиз паст экан. "Стадион.уз" сайтида Уткин қандай услубда ёзиши  таржимаси ва мисоллари билан келтирилди. Менимча бу услуб бизнинг минталитетимизга хос эмас. Умуман олганда русий забон мураббийлар ўзбек матбуотини ўқишармикин?


Ҳеч ўйлаб кўрганмисиз, нима учун МТЖ ўйнаса кўпайиб кетамиз-у, ички чемпионатда саноқлимиз? Жавоби оддий, биз уяламиз сифатсиз маҳсулотни мухлисга тақдим этгани. Чунки олий лиганинг савиясидан устун бўла олмаймиз. МТЖ ўйнаса кунига хабар, суратлардан тортиб видеоларгача. Аслида чет элда, ҳар бир тур учрашуви ҳудди биз МТЖни ёртиганимиздек ёритилади. Лекин нима ҳам қилайлик, биз сизнинг савиянгиздан ошиб ўта олмаймиз. Ундан ташқари бугунги футбол журналистлари футболга моддий манфат сифатида қарамайдилар. Шароит кўтармайди. Битта ўйинни ютган футболчи ва мураббий 3-20 млгача бўлган пулни ишлайди. Шу сифатсиз ўйинни шарҳи учун журналист нари борса 20 000 сўм ишлайди. Яна бир қизиқ ҳолат, қачонгача биз Сизларни нолаларингизни эшитамиз? Шу кунгача биронта мураббий, "ҳой ука қийинчилик йўқми ишингда",- деб сўрамаган.


Футбол ичида энг кам даромад айнан журналистларга тегишли. Лекин энг фидоий инсонлар ҳам бугунги кунда шу журналистлар. Футболда мураббийдан тортиб, футболчигача. Ҳакаму, назоратчигача энг охирги моделдаги машиналарда юрасизлар. Журналистлар мухим воқеани ёритиш учун «ташашиб» таксида кетишади. Бир кун келади, бизда ҳам футбол ОАВ олий лигадан устун туришни бошлайди. Менимча бу кунларга ҳам оз қолди. Аслида шундай савияга тушиб қолганимизга ҳам ўзимиз айбдормиз. Журналист, журналистни камчилигини қидириш билан овора бўлиб қолдик. Матбуот котибларини-ку айтмасангиз ҳам бўлади. Бундан уч кун аввал «Facebook»даги саҳифамда шундай ёзган эдим:


«Лекин журналист мураббий ва футболчи каби ўзаро жан-жаллашиши керак эмас. Ҳудди-ки бирон клуб ўз журналистига тоғдан дача, Асакадан «Малибу», АҚШдан «Iphone», Марказдан Грабус уй олиб бергандек. Аслида барчамизни қадрлашмайди. Биз эса аҳмоқларга ўхшаб улар учун жонимизни бериб, даҳанаки жанг олиб борамиз! Қадрингни бил матбуот котиби дейдиган одам йўқ. Йилда бир ҳориж йиғинига олиб борса хурсанд бўламиз. Берадигани Хитойнинг экипировкаси. Қадринг шуми Матбуот котиби?»


Хуллас гапирса гап кўп. Авваллари бизда қандай кучли ўйинчилар чиққан-а? Абдураимов, Красницкий, Фёдоров, Қосимов, Шквирин... Нима учун ўшанда савиямиз баланд бўлган-у, ҳозир тушиб кетди. Менимча санаб ўтган футболчиларимизни тарбиялайдиган яхши мураббийлар бўлган...


Рейтинг:    

Фикрлар

championat.asia
< сўнгги янгиликларни кўриш

Энг яхшилар

"Реал Мадрид" кетма-кет учинчи бор ЕЧЛ ғолиби! "Реал Мадрид" кетма-кет учинчи бор ЕЧЛ ғолиби!
Европа чемпионлар лигаси финали доирасидаги "Реал Мадрид" - ...  1165
Суперлига. Тошкент дербисида “Пахтакор” ғолиб бўлди Суперлига. Тошкент дербисида “Пахтакор” ғолиб бўлди
Суперлиганинг 13-туридан ўрин олган “Пахтакор” – “Бунёдкор” учрашуви...  242
Суперлига. “Нефтчи” Фарғонада “Сўғдиёна”га ютқазди Суперлига. “Нефтчи” Фарғонада “Сўғдиёна”га ютқазди
Суперлиганинг 13-туридан ўрин олган “Нефтчи” – “Сўғдиёна” учрашуви...  188
Ўзбекистон МТЖнинг Уругвайга борадиган таркиби Ўзбекистон МТЖнинг Уругвайга борадиган таркиби
Футбол мухлисларига маълумки, шу йилнинг 7 июнь куни Ўзбекистон...  156
������.�������

CA ни Facebook да ўқиш
учун "Yoqdi"ни босинг