Bir piyola choy ustida tabdirning badiiy qismi davom ettirildi. Mehmonlar so'zga chiqib, o'zining 50 yoshlik yubileyini nishonlayotgan Azamat Abduraimovni tabriklashdi. So'zga chiqqanlar orasida O'zbekiston xalq artisti Baxtiyor Ixtiyorov, yana bir guruh kino va teatr aktyorlari, Azamat akaning otasi Birodar Abduraimov, futbolimiz afsonasi Mirjalol Qosimov boshchiligidagi 12-Osiyo o'yinlari g'oliblari bor edi.

"Futbolchilarimiz o'sha paytda faoliyatlarining eng gullagan va shu bilan birga kuchga to'lgan davrini o'tkazishayotgandi. Hamma chiziqlarda kuchli o'yinchilar jam bo'lgan edi. Himoyada Andrey Fyodorov, Farhod Magometov, yarim himoyada Mirjalol Qosimov, Ilhom Sharipov, Stepan Atoyan, hujumda Igor Shkvirin, Shuhrat Maqsudov, Azamat Abduraimov o'ynardi. Lekin jarohat olganlar ham yo'q emasdi. Shunga qaramay, 14-15 futbolchi shu 7ta o'yinda g'alaba qozonib, yakunda Osiyo o'yinlari g'olibi sifatida Toshkentgan qaytgandik. Bilasizmi, bizga Osiyo o'yinlarining kutilmagan jamoasi sifatida qarashgan. Futbol mutaxassislari, xususan afsonaviy Valeriy Lobanovskiy juda iliq fikrlarni bildirgandi. Lekin tanganing orqa tomoni ham bor, degandek, ayrim jamoalarning jiddiy etirozlariga ham duch kelganmiz. Sababi, biz bir xil rangdagi futbolka va getralarda qita o'yinlariga borgan edik. Boshqa jamoalar bilan futbolchilarimizning kiyimi bir xil rangda bo'lib qolganda yaxshigina etiroz bildirishgan. Xatto raqiblarimiz tomonidan OFKga shikoyat xati ham yozilgandi. Shunga qaramay, yakunda yuzimiz yorug' bo'lib, O'zbekistonga qaytib kelgandik. Fursatdan foydalanib, o'g'limni bugungi yubileyi bilan tabriklayman. Bir zumda 50 yoshni ham qarshilabdi (kuladi). Hamisha u bilan faxralanib yuraveraylik", - deydi Birodar Abduraimov.

Birodar Abduraimov: "O'g'limni tabriklayman"