UZ

Сўнгги янгиликлар

14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  0 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  1 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  13 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  17 08:21Депайнинг агенти: «Бу ёлғон»  10 07:50«Реал Мадрид» келаси ҳафта 2 нафар футболчи билан шартномани узайтирганини эълон қилади  0

Бельгия ЕВРОда, Россияга ярим қадам керак Янгиликлар

Бельгия ЕВРОда, Россияга ярим қадам керак

Кеча, 10 октябрь куни Евро-2020 саралаши доирасида 10та учрашув бўлиб ўтди.

Ушбу баҳслар натижаси ва гуруҳдаги ҳолат ҳақида тўхталиб ўтамиз.


"C" гуруҳи

Голландия - Шимолий Ирландия 3:1

Голландия терма жамоаси сўнгги дақиқаларда камбэк амалга ошириб, турнир жадвалида етакчилик қилаётган Германия ва Шимолий Ирландияга етиб олди. Ирландияликлар Жош Маженниснинг голи орқали 75-дақиқада учрашувдаги ҳисобни очишди, бироқ баҳс якунида мезбонлар ўзини кўрсатишди. Депай беш дақиқадан сўнг ўртадаги мувозанатни тиклади, кейин Люк де Йонг ўз жамоасини ҳисобда олдинга олиб чиқди. Асосий вақтга қўшиб берилган дақиқаларда яна ўша Мемфис учрашувга нуқта қўйди.


Беларусь - Эстония 0:0

Баҳс меҳмонлар сардори Константин Васильевнинг устунни нишонга олиши билан бошланди. Танаффусдан сўнг мезбонлар кучлироқ кўринди, аммо Сергей Лемпетс икки марта Станислав Драгуннинг хавфли зарбасини қайтаришга муваффақ бўлди. Эстонияликлар бу босқичда биринчи очкони ишлаб олишди, беларуслар эса ЕВРОга саралаш баҳслари орқали чиқишга уриниб кўришади.


"E" гуруҳи

Хорватия - Венгрия 3:0

Венгрларни таслим қилган Хорватия энг яқин таъқибчисидан 3 очкога ўтиб кетди. Ҳисобни Лука Модрич очди, кейин Бруно Петкович ўз ҳисобига иккита гол ёздириб қўйди. Меҳмонлар сафида Ласло Кляйнхайслернинг четлатилиши ўйин охирида хорватлар хотиржам ўйнашига имкон берди, Иван Перишич эса пенальтини голга айлантира олмади.


Словакия - Уэльс 1:1

Иккинчи ўринда кетаётган Словакия 4-ўриндаги Уэльс билан 3 очколик фарқни сақлаб қолди. Биринчи бўлим ва иккинчи таймнинг бошида меҳмонлар устунлик қилишди. Гарет Бэйл тўсинни нишонга олди, Киффер Мур эса 25-дақиқада ўзининг миллий жамоадаги дастлабки голини уриб, уэльсликларни ҳисобда олдинга олиб чиқди. 53-дақиқада меҳмонларнинг умидини Юрай Куцка йўққа чиқарди.


"G" гуруҳи

Латвия - Польша 0:3

Роберт Левандовски Ригада терма жамоа сафида хет-трик қайд этиб, польшаликларнинг ишончли ғалабасини таъминлади. Биринчи иккита гол учун 13 дақиқа керак бўлди, учинчи гол баҳснинг охирида урилди. Польшаликлар гуруҳда етакчилик қилмоқда ва улар якшанба куни ЕВРО масаласини ижобий ҳал қилишлари мумкин, Латвия эса ҳали ҳам очко ололгани йўқ.


Австрия - Исроил 3:1

Австрия иродали ғалабага эришиб, иккинчи ўринга кўтарилиб олди. Эран Захави саралашдаги ўзининг 10-голини киритишга муваффақ бўлди, бироқ Валентино Лазаро танаффусдан олдин ҳисобни тенглаштирди. Иккинчи бўлимда Мартин Хинтереггер ва Марсель Забитцерлар рақиб дарвозасини ишғол қилишди.


Шимолий Македония - Словения 2:1

Эльиф Эльмаснинг иккита голи мезбонларга ғалаба келтирди ва македонияликлар 3-ўриндаги словенияликларга етиб олди. Словения терма жамоасининг ягона голига Йосип Иличич муаллифлик қилди.


"I" гуруҳи

Бельгия - Сан-Марино 9:0

Бельгияликлар жавобсиз 9та гол уриб, биринчилардан бўлиб ЕВРО-2020 йўлланмасини ҳал қилди. Ромелу Лукаку ўз ҳисобига 2та гол ёздириб қўйди ва миллий жамоадаги голлари сонини 51тага етказди. Кристиан Бролли автогол муаллифига айланди, қолган голлар эса Носир Шодли, Тоби Алдервейрелд, Юри Тилеманс, Кристиан Бентеке, Яри Версхарен ва Тимоти Кастанье ҳисобига ёзилди.


Россия - Шотландия 4:0

Россия ЕВРО-2020 масаласини ҳал қилиш учун якшанба куни Кипр билан камида дуранг ўйнаши керак. "Лужники"даги дастлабки гол 57-дақиқада урилди. Артём Дзюба қийинчилик билан бўлсада ўз жамоасининг биринчи голига муаллифлик қилди. Магомед Оздоев тезлик билан ҳисобни 2:0 кўринишига келтирди, кейин Дзюба ўзининг иккинчи голини урди. Учрашувга нуқтани Александр Головин қўйди. Шотландия ЕВРО-2020га чиқиш имкониятига эга, бироқ бунинг учун гуруҳда 3-ўринни эгаллаб, саралаш учрашувларида ғалаба қозониш керак.


Қозоғистон - Кипр 1:2

Биринчи бўлимда Темирлан Ерланов голи эвазига қозоғистонликлар ҳисобда олдинга чиқиб олишди, аммо танаффусдан сўнг ўйин сурати ўзгарди. Кипрликлар фаолроқ ҳаракат қилишни бошлашди ва Пиерос Сотириу ҳисобни тенглаштирди. Учрашув масаласини ҳал қилган гол 84-дақиқада Николас Янну томонидан урилди. Қозоғистонликлар ЕВРО-2020да иштирок этиш имкониятидан айрилишди.

Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика