Tashkilotchilar tomonidan ko'tarinki ruhda o'tgan musobaqa barcha ishtirokchilarda iliq taasurot qoldirdi.
Musobaqa bosh sovrini uchun “Nasaf-2003”-“Yangier” jamoalari o'rtasida kechgan final uchrashuvida tuliq ustunlik “Nasaf-2003” jamoasi tomonida bo'ldi. Musobaqa davomida ketma-ket g'alaba nashidasini so'rgan vohalik yosh iqtidor egalari final bahsida ham zafarli yurishini davom ettirishdi. Keskin va murosasiz uchrashuvda “nasafchilar” uch gollariga Muhammad Abdumalikov, Javohir Abbosov, Shahzod A'zamovlar mualliflik qilishdi.
Final uchrashuvi: “Nasaf-2003”-“Yangier” 3:1
Aytish joizki, O'zbek futboliga Jamol Otaqulov, Zafar Palvonov, Umar Eshmurodov, Olim Karimov,(Sho'rtan) Bobir Abduholiqov, Aziz G'aniev, Islom Rashidhonov (Nasaf) Otabek Shukurov(Bunyodkor) kabi istedodli futbolchilarni etkazib berayotgan futbol fabrikasi bo'lmish “Nasaf” futbol maktabida yosh futbolchilarga futbolning sir-asrorlaridan talim berayotgan tajribali murabbiylar Jasur Ibragimov va Umar Rahmatullaev bo'lajak chempionlar bilan navbatdagi yutuqni qo'lga kiritishdi.
“Nasaf-2003” jamoasining turnirdagi barcha uchrashuvlardagi natijalari:
“Nasaf-2003” – Chimkent (Qozoqiston) 8-1
“Nasaf-2003” – Namangan Futbol internati (Namangan) 6-3
“Nasaf-2003” –“Sho'rtan-2003” (G'uzor) 5-0
“Nasaf-2003” –“Guliston” (Sirdaryo) 7:3
“Nasaf-2003”-“Yangier” 3:1
Samad Rahimov murabbiyligidagi g'uzorlik yosh futbolchilar ham turnirni yuqori saviyada boshlashdi. “Sho'rtan-2003” jamoasi besh uchrashuvda to'rttasida g'alaba qozonib, faqat birgina kichik voha derbisida yirik hisobda mag'lubiyatga uchrashdi.
Turnirning uchinchi o'rin uchun kechgan bahsda jizzaxlik tengdoshlari ustidan 2:1 hisobida ustun kelishdi. G'uzorliklar ikki gollariga Abbos Berdiev, Adham Majidov mualliflik qilishdi.
“Sho'rtan-2003” jamoasi hujumchisi Abbos Berdiev turnirning “Eng yaxshi hujumchisi” nominaciyasiga tashkilotchilar tomonidan munosib deb topildi.
Musobaqa yakunida tashkilotchilar va Davlatovlar oilasi tomonidan kubok, medal, diplomlar va esdalik sovg'alari topshirildi.
“Sho'rtan-2003” – Chimkent (Qozoqiston) 6-1
“Sho'rtan-2003” – Namangan Futbol internati (Namangan) 2-1
“Sho'rtan-2003” –“Nasaf-2003” (G'uzor) 0-5
“Sho'rtan-2003” –“Guliston” (Sirdaryo) 4-1
“Sho'rtan-2003”-“Jizzax” (Jizzax) 2-1
Fahriddin Choriev
