Bo'lajak uchrashuv oldidan har kim turlicha fikr bildirmoqda. Andijon FK, matbuot xizmati bosh murrabiy Baxtiyor Ashurmatovdan terma jamoamiz o'yini oldidan fikrlarini so'radi.
- Albatta, bugun barcha xamyurtlarimiz qatori men ham O'zbekiston milliy terma jamoasidan g'alaba qozonishini kutyapman. To'g'ri, o'tgan turda yigitlarimiz Filippinga qarshi bahsda muxlislarni u qadar quvontira olmagan bo'lishi mumkin. Lekin asosiysi g'alaba qozonildi. Ochig'i, Filippin bilan o'yinda ko'p ham omadimiz kelmadi. Aks xolda yirik hisobda g'alaba qozonishimiz mumkin edi.
- Umid qilamanki, bugun yigitlar Baxrayn ustidan ishonchli g'alabaga erishib, ishqibozlarni quvontiradi.
