"Portu" darvozaboni Diogu Koshta Bundesligaga o'tishi mumkin.
CNN Portugal jurnalisti Brunu Andradening yozishicha, futbolchiga yanvarda darvozabon o'rnini mustahkamlamoqchi bo'lgan, biroq kerak bo'lsa, yozgacha kutishga tayyor "Bavariya" qiziqmoqda.
Koshta – myunxenliklar eng maqul ko'rayotgan nomzodlardan biri.
Portugaliya terma jamoasi futbolchisining shartnomasi 2027 yilgacha mo'ljallangan, tovon puli 75 million evroni tashkil qiladi.
Diogu JCH-2022da Portugaliya terma jamoasining asosiy darvozaboni bo'ldi va barcha 5 ta o'yinda maydonga tushdi.
Joriy mavsumda Koshta chempionatda 15 ta o'yin o'tkazdi va 10 ta gol o'tkazib yubordi.
