Манба берган хабарга кўра, футболчига ўнг сон мушаклари зўриқиши ташхиси қўйилган. Футболчининг тикланиш даври 2-3 ҳафтани ташкил қилади.
Шу тариқа, у гуруҳ босқичининг 2-турида "Барселона"га қарши ўйинни ўтказиб юборади, шунингдек, Германия чемпионати доирасидаги "Штутгарт" ва "Аугсбург" билан ўйинларда ҳам майдонга тушмайди.
26 ёшли Коман жорий мавсумда "Бавария" сафида 5 та ўйинда майдонга тушиб, 1 та гол урди ва 3 та голли узатмани амалга оширди. Унинг мюнхенликлар билан шартномаси 2027 йилнинг ёзига қадар мўлжалланган.
Эслатиб ўтамиз, ЕЧЛ 2-тури доирасидаги "Бавария" – "Барселона" баҳси 13 сентябрь куни Тошкент вақти билан 23:59 да бошланади.
