"Барселона" тез орада яна бир трансферни эълон қилиши мумкин

Маълумотларга кўра, Каталония клуби голландиялик футболчи учун курашда етакчига айланиб олди.

"Барселона" март ойида "Аякс" ва де Лигтга расмий таклиф юборган эди. Трансфер Френки де Йонг учун берилаётган маблағдан (75 млн. евро) камроқ пул эвазига амалга ошади, аммо шартнома шартлари ўхшаш.

"Аякс" де Лигт трансферидан катта маблағ ишлаб олмоқчи эди, аммо футболчи Каталония клубига ўтишни истаётгани учун уни арзонроққа бериб юборишга рози бўлди.

"Барселона" ушбу трансфер ҳақида "Аякс" ҳамда "Ювентус" ўртасидаги Чемпионлар лигаси ўйинидан олдин эълон қилмоқчи.

Олдинроқ, Каталония клуби Френки де Йонг трансфери ҳақида эълон қилган эди. Футболчи ёзда "Барселона" сафига қўшилади.