"Леванте"га қарши Испания кубогининг дастлабки ўйинида "Барселона" бош мураббийи Эрнесто Вальверде дисквалификацияга учраган ҳимоячи Хуан Брандаризни майдонга туширган. Шу сабабли, мамлакат футбол федерациясига "Леванте" томонидан шикоят келиб тушганди.
Mundo Deportivo нашрининг хабар беришича, регламентга кўра шикоят 5 кун ичида юборилиши керак. Клуб эса кеч қолгани сабабли ариза қабул қилинмади ва каталонияликлар мусобақадаги юришини давом эттирадиган бўлишди.
