- Sobiq jamoangizga qarshi o'yindan oldin sizda qanday hissiyotlar bo'lyapti?
- Yo'q men hech qachon raqib tanlamaganman. Boshqa jamoalarga qarshi o'yindan oldin qanday holatda bo'lsam hozir ham shundayman. Bo'lajak bahsga har doyimgidek tayorgarlik ko'ryapman.
- O'tgan yili siz to'p tepgan "Navbahor'' va hozirgi Kanchelskis tuzgan "Navbahor'' orasida qanday farq bor?
- Hali mavsum oldinda, hozirdan bir narsa deyish qiyin. To'g'risi bu mavsumda hali "Navbahor"ning o'yinini ko'rmadim.
- Ko'pchilik "Navbahor"dan "Surxon"ga borib qo'shilganlarni Mo'minjonov ortidan ketishdi deb o'ylayapti. Sizning "Surxon"ga borib qo'shilganingizga nima yoki kim sabab bo'ldi?
- "Surxon"ga borishimda Mo'minjonovning aloqasi yo'q. Termiz klubiga Anvar Soliev taklif qildi. "Navbahor"dagilar esa menga ketishim mumkinligini aytishdi.
- Umuman Namangan futboli sizning hayotingizda qanday ahamiyat kasb etadi?
- Namanganda yaxshi kunlarim o'tdi. Muxlislarga esa hurmatim baland. Ular muxlislik bo'yicha O'zbekistonda yagona.
Abdulaziz Abduvohidov suhbatlashdi
