UZ

Сўнгги янгиликлар

00:33Левандовски Саудия Арабистонидан бўлган таклифни рад этди  0 00:11Кейн "Реал"га ўтишга қарши бўлмаяпти  1 23:55Ди Мария "Ювентус"дан кетганини маълум қилди  4 23:37"Насаф"нинг легионер ҳужумчиси ҳам жамоани тарк этади  11 23:22Расман: Карим Бензема - "Ал Иттиҳод" футболчиси!  9 22:50Карим Бензема: "Реал"ни бир умр унутмайман"  7 22:33"Marca" ЛаЛиганинг мавсум рамзий термасини тузиб чиқди  3 22:13ПФЛ тақвимида яна ўзгариш. Бу сафар Про-лигада  0 21:53Ўзбекистон МТЖ "CAFA Nations Cup"га тайёргарликни давом эттирмоқда, машғулотда янги футболчи  7 21:30Туркия. "Фатих Карагумрюк" мавсумни йирик ғалаба билан якунлади  1 21:12"Ал Наср"ни бошқариши кутилган мураббий: "Умид қиламанки, шартномамни якунига етказиб қўяман"  0 20:00Olamsport: Аҳмадалиевнинг навбатдаги жанги, Абдусатторов бугун АҚШ вакилига қарши ўйнайди ва бошқа хабарлар  0 19:51Пиолининг "Милан"даги келажаги маълум бўлди  0 19:40Туғилмасидан илгари юлдузликка эришган, уч ёшида унутилмас совғага эга бўлган ҳамда сохта ном остида футбол ўйнаган “Карадона” — Диего Марадонанинг дастлабки ва сўнгги манзилига ташриф  6 19:30Ўзбекистонга "сайёҳликка" келган футболчи жамоасидан кетди  9

Арвеладзе: "Халл Сити" менга фаолиятимдаги орзуларимдан бирини амалга ошириш имконини берганидан жуда хурсандман" Янгиликлар

Арвеладзе: "Халл Сити" менга фаолиятимдаги орзуларимдан бирини амалга ошириш имконини берганидан жуда хурсандман"

"Халл Сити" мураббийлигидан кетган "Пахтакор" собиқ устози Шота Арвеладзе "йўлбарслар"га хайрлашув мактуби йўллади.

"Ҳар қандай мураббий ва ўйинчи учун мўъжизалар оламига саёҳатга ўхшаш оролда ишлаш ва яшаш мени қувонтирди. "Халл Сити" менга фаолиятимдаги орзуларимдан бирини амалга ошириш имконини берганидан жуда хурсандман. Англия каби бой тарих ва маданиятга эга бўлган мамлакатда жамоани шакллантириш ва айниқса, клуб янги эгалари бошқарувига ўтганда ниҳоятда мураккаб. Бу сафар ҳолат мен саккиз ой олдин Чемпионшипдаги дебютимни қилганимда режалаштирганимиздагидек бўлмади. Мен Ажун ва "йўлбарслар"га олдинда уларни кутиб турган йўлда катта муваффақиятлар тилайман. Афсуски, биз шу вақтга қадар кўзлаган ишимизни охирига етказа олмадик. Келгусида ҳал қилиниши керак бўлган ва тўғри ёндашувни талаб қиладиган муаммолар етарлича. Охир-оқибат бир қатор масалалар бўйича келишмовчиликлар бизнинг позицияларимизни бир-биридан айро тутди ва ушбу қарорни қабул қилиш учун асос бўлди. Бироқ буларнинг барчасига қарамай, "Халл Сити" муваффақиятли жамоага айланишига умид қиламан. 

Мен "йўлбарслар"нинг барча ходимларига, жумладан, мураббийлар штаби, асосий жамоа аъзолари, академия ва стадион ходимларига миннатдорчилик билдирмоқчиман. Ушбу муддат давомида бевосита ҳамкорлик қилган футболчиларга алоҳида раҳматимни айтмоқчиман. Оммавий ахборот воситаларидан оғир ва шиддатли даврни очиқ кўрсатганликлари учун миннатдорман. Мени қўллаб-қувватлаган ва мураббийлик фаолиятимда энг эсда қоларли хотиралардан бири бўлиб қоладиган мухлисларнинг: "Бизда Арвеладзе бор", дея куйлаганлари учун катта ташаккур айтаман", – деди грузиялик мутахассис.

Эслатиб ўтамиз, 49 ёшли Арвеладзе "Халл"ни шу йилнинг январидан буён бошқариб келаётганди. Жамоа унинг қўл остида умумий 30 та ўйин ўтказишга улгурди. "Йўлбарслар" жорий мавсум Чемпионшип 10 туридан сўнг 20-ўринда боришмоқда.

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика