Аргентинада ўйин вақти катта жанжал юзага келди, бунинг оқибатида бир мухлис ҳалок бўлди, телевидение мухбирига эса жонли эфир вақтида ўқ отилди

Маҳаллий ҳокимият маълумотларига кўра, баъзи мухлислар гавжум стадионга киришга уринган, бунинг натижасида зўравонлик ва тартибсизликлар авж олган.

Полиция мухлисларни резина ўқ ва кўздан ёш оқизувчи газ ёрдамида тўхтатишга уринди – ҳатто маҳаллий телевидение мухбирига ҳам жонли эфир вақтида полициячи томонидан ўқ узилган.

Кўздан ёш оқизувчи газ майдонга ҳам тарқалиб, ўйинчилар ва мухлисларга таъсир қилди, натижада учрашув атиги 9 дақиқадан сўнг тўхтатилди.

"Гимансиа" юлдузи Леонардо Моралес шундай деди: "Менинг 2 ёшли ва олти ойлик ўғилларим нафас ололмади. Биз чорасиз қолдик ва трибунадаги барча одамлардан хавотирландик".

Буэнос-Айрес хавфсизлик вазири Серхио Бернининг маълум қилишича, 57 ёшли "Гимнасиа" мухлиси касалхонага олиб кетилаётганда вафот этган.

Аргентина футбол ассоциацияси ушбу зўравонликни қоралаб, баёнот эълон қилди.