Unda mankunianliklar 2:1 hisobida g'alabaga erishdi. Ushbu uchrashuvdan keyingi bir qancha faktlarni keltirib o'tamiz:
- Xarri Maguayr o'tgan mavsum startidan buyon MYU uchun to'rtinchi marta g'alaba golini urdi;
- "Liverpul" ketma-ket to'rtinchi marta ("Kristal Pelas", "Galatasaroy", "Chelsi", "Manchester Yunayted") mag'lub bo'ldi;
- "Manchester Yunayted" Ruben Amorim qo'l ostida ilk marta ketma-ket ikki o'yinda g'alaba qozondi;
- MYU 9 yil deganda "Enfild"da g'alabaga erishdi: so'nggi muvaffaqiyat 2016 yilda qayd etilgan va 0:1 hisobida yakunlangan o'yinda Ueyn Runi g'alaba golini urgandi;
- 116 millionlik Florian Virtc "Liverpul" tarkibida 11 o'yinda 0+1 qayd etmoqda;
- Aleksandr Isak ushbu mavsumda hali gol urmadi: MYUga qarshi o'yinda faqatgina bitta aniq zarba yo'lladi
- Senne Lammens darvozada turgan ikkala o'yinda ham "Yunayted" g'alaba qozondi;
- "Liverpul" "Enfild"da MYUga qarshi so'nggi 3 o'yinda g'alaba qozona olmadi: 2 durang va 1 mag'lubiyat;
- Ushbu mag'lubiyatdan keyin "Liverpul" APL turnir jadvalida 4-o'ringacha tushib ketdi, MYU esa 9-o'ringa ko'tarildi;
- Slot faoliyatida ilk marta ketma-ket to'rt o'yinda mag'lub bo'ldi;
- Saloh so'nggi 4 o'yinda sermahsullik qayd etmadi.
