Анри, Португалия терма жамоаси футболчисининг натижаларидан қойил қолганини таъкидлади. Бироқ шу билан биргаликда у йилнинг энг яхши футболчиси деб, “Бавария” клуби ярим ҳимоячиси Франк Рибери танлаган бўлишини айтди.
“Роналду ҳақида кўпчилик яхши фикрда. Унинг ўйинлари ва натижаларини юқори баҳолашади. Лекин бундай вазиятларда футболчининг натижаларига эмас, жамоавий ўйин кўрсатганига ва статискасига эътибор қаратиш керак. Рибери ҳам ажойиб ўйинчи, аммо у бошқача услубда ўйнашни ёқтиради. У жамоавий натижа учун ҳаракат қиладиган ўйинчи ва у билан битта жамоада ўйнаш мароқли. Шу сабабли ҳам “Олтин тўп” айнан Риберига насиб этишини истардим”, - дея таъкидлади Анри.